Ƀă inâi “Idrâp Chêng koăng Tây Nguyên - Đông Nam Á tơkŭm”, tơdroăng kố tơkŭm 12 khu ngê̆ nhân lo ing Gia Lai, Dak Lak, Lâm Đồng, ƀă mâu kong pơlê peăng Kơnhŏng rơtế ƀă mâu khu ngê̆ thuât kong têa Siam, Lếo ƀă Malaysia. Tơdroăng kố cho vâ ô eăng tơdroăng túa lĕm tro Chêng koăng Tây Nguyên - kế tơmeăm túa lĕm tro teăng mâ ăm kuăn mơngế, tơdrêng amê hlối mơđah tơbleăng túa lĕm tro ƀă ki ai hlâu ôm hyô dêi kong pơlê Lâm Đồng.

Tiô pôa Đinh Văn Tuấn – Phŏ kăn hnê ngăn Vi ƀan kong pơlê Lâm Đồng, mâu tơdroăng cheăng kố kô châ tơkŭm po a 3 kơpong ki xiâm: “rơpâu hdrê reăng” Đà Lạt, “têa kơxĭ ngiât” Bình Thuận ƀă “kong kế” Dak Nông. Tơdroăng kố cho tơmiât troh mơjiâng chiâng Festival Chêng koăng tiah hmâ 2 hơnăm môi xôh, veăng gum rak vế, mơnhông ‘na hơdruê xoăng Đông Nam Á ƀă tối rơdêi tíu ối Lâm Đồng – kơpong tơnêi tơkŭm, tơdjâk ki kơnía túa lĕm tro Tây Nguyên troh lâp plâi tơnêi.