VOV.Xơ Đăng - Lâm Đồng cho kơpong tơnêi tơkŭm hên ki lĕm dâi dêi mâu hdrê loăng, kong kế ƀă khôi túa lĕm tro, xua ai kơpong tơnêi kân rơdâ mê Đà Lạt ai kong ki lĕm xêh ki ai sap ing hdrối nah, trối kong ilâng Tà Đùng kân rơdâ, ing têa kơxĭ Mũi Né kân rơdâ troh mâu pơlê pơla pêng păm khôi túa lĕm tro. Meluâ hên tơmeăm ki lĕm krip pơrá phá dêi pó, laga mâu tơdroăng ki pá ‘na troăng prôk vâ tơkoh ƀă tơdjêp ing pơlê kố troh pơlê ê cho ối pá puih ăm kơvâ ôm hyô Lâm Đồng, tá hâi châ mơnhông ki tơxâng păng ‘nâng.

VOV.Xơ Đăng - Troh pôu ngăn a Tây Nguyên, vâi kuăn pơlê, lơ khu tơmối ôh tá xê to châ ngăn, châ hlo to kong kế, ngo ngối ki krip krih, tơviah lĕm, châ kâ mâu kế kâ ki kơhiâm, hơ-iâ phá krê xêh, mê ối châ lăm ngăn, lăm hlo, châ tâng, châ hmâng mâu tơdrá ki ro rih phá, tơviah, tung mê ai ha tơdrá chuât ki xơtó lĕm ro, xơtó, tơniâ ing Klŏng Put dêi mơngế Rơteăng. Hâi kố, pin rơtế tơmâng mâu vâi ngoh nâ nhak sih, mâu vâi krâ ngê̆ nhân, mâu ngế ki hriăn plĕng ‘na mâu tơdrá prôa dêi chal vâi krâ kuăn ngo a Tây Nguyên kô hơ’muăn tối ‘na xiâm rêi, tối tơno ‘na mâu tơdroăng ki hơniâp ro, lĕm krip phá krê xêh dêi Klŏng Put.

VOV.Xơ Đăng - Rơpŏng ngê̆ nhân Byơh a pơlê Ƀok Ayơh, cheăm H’ra, kong pơlê Gia Lai ai hên rơxông hâk vâ prôa, ting ning hdroâng kuăn ngo. Ing rơxông pôa, mâu kuăn ‘nĕng ƀă mâu muăn pơrá cho mâu ngế mơđah tơbleăng rơkê prôa, ting ning, môi tiah: prôa t’rưng, ting ning, klŏng put, chêng koăng, rơhdruê, rơngêi... Ôh tá xê to tiah mê, mâu ngế tung rơpŏng pôa Byơh ối chiâng pro mâu prôa, ting ning vâ xúa ƀă tơdah tơmối môi tiah môi kơxuô tơmeăm tơbâ hên ki kơnâ.

VOV.Xơ Đăng - Ƀă mâu hdroâng kuăn ngo a Tây Nguyên, chêng koăng cho prôa ki tĭng, ai xeăng ối ƀăng. Chêng koăng hmâ rơtế ƀă mâu hâi po mơdĭng, mơdĭng kân dêi kuăn pơlê. Ƀă mơngế K’Ho, a kong pơlê Lâm Đồng ối ai môi tơdroăng pro mơdĭng  krê xêh vâ mơnê kơ xeăng chêng, mê cho Mơdĭng xối chêng.

VOV.Xơ Đăng - Tung Hlá mơ-éa chêh tơbeăng dêi Cheăng Kal kí pơtroh ăm Hneăng hôp kân mâu kăn lâp tơnêi têa roh má XIV dêi Đảng, túa lĕm tro châ mơnhên tối cho ki xiâm dêi i hiâm mơno dêi pơlê pơla, cho ivá ki ó rơdêi tung dế dêi kuăn mơngế ƀă tíu ki vâ veăng mơnhông krá tơniăn ăm tơnêi têa. Mâu troăng pơkâ pêi pro ki kân trối mơjiâng ki kơnía hnoăng cheăng tơnêi têa, túa lĕm tro, rơpŏng hngêi ƀă kơlo i lĕm tro dêi kuăn mơngế Việt Nam, lơ mơnhông cheăng chal nếo ‘na túa lĕm tro, pơhlêh xúa kơxô̆, mơjiâng hnoăng cheăng, túa cheăng lĕm tro ki lĕm tơniăn pơrá a pơkâ mâu hnoăng cheăng pêi pro ki nhên, drêng ngăn mâu tơdroăng ki pêi pro a kong pơlê, pơlê kong kân ki mê.

VOV.Xơ Đăng - A pơlê Kon Klôk, cheăm Đăk Mar, kong pơlê Quảng Ngãi, idrâp chêng, idrâp koăng, hơkâ xuân ối chuât xơtó krip krih ƀă mâu túa ki kơhnhon xuăng rơpâ rơmuăn dêi mâu vâi ngoh nâ o hdrông Rơteăng, pro thăm ăm i hiâm mơno kuăn mơngế thăm rế phoih phiu, hơniâp ro. Tíu kố, mâu vâi krâ ki hiăng hên hơnăm, trối Y Khar, A Veng, A Lang rơtế ƀă mâu vâi o hơnăm ối nếo, trối Y Thuật, Y Pên dế kơhnâ khât tung tơdroăng ki hnê tối ‘na túa kơhnhon xuăng, túa têk ju kŏng, hvêa, kơteăng chêng tro tiô rêm rơ-rêk chêng koăng vâ rak vế mơhúa dêi túa lĕm tro hdrông kuăn ngo, pro pơro ăm tơmối achê hơngế tung mâu hâi leh mơdĭng, tơdroăng túa lĕm tro -ôm hyô.

VOV.Xơ Đăng - Tĭng rơkâu xối kơno têa cho môi túa rơkâu xôi loi tĭng kơ xeăng, khôi tơlá ki kố ga hiăng ai sap ing chal vâi krâ nah dêi hên hdrông kuăn ngo a Tây Nguyên, mơhno tối ‘na tơdroăng ki mơnê nhuô̆m kơ kơnhŏng têa- cho têa mŏng ki rêh ối dêi pơlê pơla, cheăm bêng. Mâu hơnăm achê pơla kố, kơnôm ai tơdroăng mơ’no liăn tŏng gum dêi kơvâ ngăn ‘na túa lĕm tro dêi Tơnêi têa, mê hên vâi krâ-nhŏng o a mâu pơlê cheăm hiăng vêh mơnhông, veăng tơrak vế, chúa djâ khôi túa lĕm tro tunjg tĭng rơkâu xối kơno têa, ing mê veăng rak vế khôi tơlá ki lĕm krê xêh dêi mâu mâu hdrông kuăn ngo, tơdrêng amê, xuân mơjiâng chiâng môi tơmeăm khoăng ki tơniăn vâ po tơdroăng ôm hyô, tơ’mot khu tơmối mot lo, pôu ngăn, xah hêi.

VOV.Xơ Đăng - Idrâp chêng koăng, tơdrá, rơ-rêk kơhnhon xuăng ki rơmuô̆n, rơkong rơhdruê, mơhno pêng păm ‘na ngo ngối, kong kế, mâu kơchâi kâ ki kơhiâm, ki krê phá xêh tơ-ê...cho mâu tơdroăng ki rơdêi râng chêng tơmối tdrêng troh ƀă Dak Lak. Tíu mơhno khôi túa lĕm tro hdroâng kuăn ngo Rơđế châ vêh bro a tíu xiâm kơdrâm kuăn pơlê rêh ối tê mơdró Ƀuôn Ma Thuột pro tơmối troh ôm hyô hâk ro troh ƀă kơpong tơnêi kố. Ƀă tíu ki mê đi đo châ mâu rơxông mơngế krâ, mơngế ối nếo a mâu pơlê Dak Lak pơtối hnê tối, rak vế ƀă mơnhông tung tơdroăng rêh ối rơxông nếo.

VOV.Xơ Đăng - Kong pơlê Lâm Đồng dế rĕng vâ pêi pro klêi tâi tâng cheăng hbrâ rơnáu ăm Tơdroăng ki tơkŭm po “Tŏn chêng koăng Đông Nam Á 2025”, po sap ing hâi lơ 19–21/12/2025 a Plông kân Lâm Viên – Đà Lạt.

VOV.Xơ Đăng - Hâi lơ 26/10, a Ƀuôn Tơng Jú, bêng Ea Kao, Văn học Nghệ thuật Dak Lak tơkŭm po mơgêi Lâm hnê hriâm Kơhnhon xuăng chal krâ Tây Nguyên hơnăm 2025.