VOV.Xơ Đăng - Bă mơngế Bơhneá, túa tơlá mơdâm kiâ ôh tá xê to môi túa lĕm tro, mê ối cho kơxái ki tơkoh tơdjêp ƀă kuăn pơlê, thăm hơ-ui pâ dêi rơpó pơla kuăn pơlê ƀă mâu pơlê pơla.

VOV.Xơ Đăng - Ô eăng ƀă hlo khôi túa vêa vong lối 100 hơnăm, pơlê teăn rơkôa Phú Tân, cheăm Ô Loan, kong pơlê Dak Lak xuân rak ki phá krê tơ-ê. Ôh tá xê to mơdêk pêi lo liăn ing tơmeăm, nôkố, pơlê teăn rơkôa ối mơhnhôk tơmối troh ôm hyô ƀă mâu tơdroăng ki châ tâ châ hlo ƀă tơdroăng cheăng tiô khôi vâi krâ nah.

VOV.Xơ Đăng - Ối ‘nân pêi dêi a túa teăn, tâ, ‘mot prế teăn, pêi dêi klêng tê klêng hía, jâ Xong ối a Ƀuôn Kon Wang, cheăm Tân Tiến, kong pơlê Dak Lak dế rêm hâi teăn mơjiâng dêi hên mâu jiâ, rơmoăng, van, khan, xên, ếo pơtâk ai hên túa mơngiơk. Tung tơdroăng rêh ối nôkố, jiâ, rơmoăng, van, khan, xên, ếo pơtâk xua vâi krâ, nâ o teăn dế mơhno ăm kuăn cháu ki pơxúa păng ‘nâng, kơnâ, kơnía, git, lĕm tro tiô vêa vong dêi kuăn ngo rế troh lâp lu a kong hơngế.

VOV.Xơ Đăng - Tung tơdroăng ki rêh ối xúa kŏng ngê̆ kơxô̆, drêng măng pơlê pơla hiăng chiâng “kơchơ ki kân” vâ tơrŭm tung tê mơdró, ai hên khu vâi rơxông hơnăm ối nếo a mâu pơlê cheăm hdroâng kuăn ngo a Tây Nguyên hiăng rĕng ‘nâi ‘na tơdroăng xúa Facebook, Zalo, Tiktok ƀă mâu tơdroăng ki xúa ing măng tiô túa ki ê vâ mơjiâng dêi túa pêi cheăng-tê mơdró kâ. Tơdroăng cheăng ki kố, ôh ta xê to bu tro hiâm mơno pói vâ dêi tơmối, mê ga ối pro pơxúa ing tê rôe châ liăn ngân, hnối tơbleăng mơhno tơmeăm tĕn mê troh lâp lu hên hĕng, gok gâ ƀă lĕm tơ-eăng mơngiơk dêi kuăn ngo ing mâu hmôu, jiâ, rơmoăng, bung, duh, ếo pơtâk.

VOV.Xơ Đăng - A Tíu xiâm po Rôh hôp Dak Nông (bêng Đông Gia Nghĩa, kong pơlê Lâm Đồng), Vi ƀan hnê ngăn kong pơlê Lâm Đồng po Leh tơbleăng Pơkâ dêi Ngế pro xiâm hnê ngăn Chin phuh mơnhên Kế kơnía tơnêi têa proâ tơnĭng Dak Sơn.

VOV.Xơ Đăng - Kuăn pơlê hdroâng M’Nông xuân trối mâu hdrông kuăn ngo ki ê a Tây Nguyên dâi hên mâu chêng koăng ki vâ gum ăm tơdroăng leh mơdĭng ƀă tơdroăng ki xah ôm hêi tung mâu hâi leh mơdĭng pơlê pơla, Tung mê, Koăng Prăk châ ngăn cho tơmeăm ki kơnía git khât, ôh ta xê to tơmeăm ki kơnía, mê ga ối chuât ro tơniâ, ƀă tĭng khât, pơlê pơla ai tơdjêp troh tơdroăng rêh ối dêi pơlê cheăm, mơhno tối ‘na tơdroăng ki kro, ki kơnía dêi tơrêm rơpŏng hngêi.

VOV.Xơ Đăng - Tung tơdroăng rêh ối rêm hâi chal nếo nôkố, tơdroăng ki châ tơdah xo, châ hlo, châ hriâm châ ngăn dêi nâl hdroâng kuăn ngo tơná, rế hía rế kal ƀă mâu hdroâng kuăn ngo ki iâ mơngế dêi kơpong Tây Nguyên. Ƀă radio ki hmâ lơ phôn chal nếo, tơdroăng tơpui nâl hdroâng kuăn ngo Tây Nguyên hiăng achê ƀă pơlê pơla, lân rơdâ ki lĕm tro ƀă rak vế nâl tơpui dêi mâu hdroâng kuăn ngo ki iâ mơngế dế vâ chê troh tơdroăng ki vâ rế hiá lôi.

VOV.Xơ Đăng - Ing mâu kơtó hmốu ngăn môi tiah ôh tá lo klâi, kuăn pơLê Tuy An, kong pơlê Phú Yên hdrối nah (nôkố cho cheăm Tuy An Đông, kong pơlê Dak Lak) hiăng hriăn pro prôa, cho môi túa prôa ai inâi pơxá cho prôa hmốu tơnĭng. Prôa ki nếo kố a Tuy An ôh tá xê to pơtối mơgối ki chiât xơtó dêi prôa hmốu ton nah ki vâi ô eăng, mê ối chiâng tíu ki tơ’mot hên ngế troh ôm hyô ngăn vâ ‘nâi túa lěm tro Việt Nam.

VOV.Xơ Đăng - Chum Show mơhno djâ môi tơmeăm túa lĕm tro ki nếo, tăng ‘nâi plĕng túa vêa vong lĕm tro ki tơviah dêi kuăn mơngế ƀă kơpong tơnêi Khánh Hòa. Amê, ai hên tơdroăng lĕm tơviah ton rôh nah, túa lĕm tro dêi kuăn ngo Chăm; tơdroăng ki lĕm tơ ê, ki lĕm phá xêh tung tơdroăng ‘na túa lĕm tro dêi mơngế Xuăn ƀă tuăn hiâm ôh tá kơbi, krá kak dêi mâu hdroâng kuăn ngo Tây Nguyên.

VOV.Xơ Đăng –  Rơtế ƀă mâu ngế tơmâng lâp tơnêi têa, kuăn pơlê mâu hdroâng kuăn ngo a Tây Nguyên hâk ro tơmiât troh Leh tơbâ 80 hơnăm hâi mơjiâng Rơ’jíu Việt Nam (7/9/1945 – 7/9/2025).