Gia Lai kô tơkŭm po mơ’no tơdrêng tung um tơvi tiô tơdrroăng Countdown Têt Yương lĭt 2026
Thứ hai, 10:00, 29/12/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Koh tơdah hơnăm nếo 2026, kơmăng hâi 31/12 la kố ah, kong pơlê Gia Lai kô tơkŭm po mơ’no tung tum tơvi tơdrêng tơdroăng Countdown (riân vêh rŏng) Têt Lo hơnăm Yương Lĭt 2026, pro ăm hơniâp ro, tơbleăng lâp lu ki tơrŭm môi tuăn, ƀă púi vâ mơnhông dêi kuăn pơlê a kong pơlê.
Ƀă pơxá “Têk on hơtôu plâi nuih - Tơdjêp tơdroăng hơ-ui pâ”, tơdroăng mê châ tơkŭm po mơ’no tơdrêng tung um tơvi a péa tíu: Plông kân Nguyễn Tất Thành (bêng Quy Nhơn) ƀă plông kân Đại Đoàn Kết (bêng Pleiku), pro ăm tơdroăng mơđah hơdruê xuăng châ rơnuâ bro hên tơdroăng krip lĕm a plông kân tơtro ƀă tơdroăng “Têk on hơtôu plâi nuih”, hlối mơđah hơdruê xuăng tiô chal nếo, kơmăi on trâ eăng hlối mơđah a um tơvi LED ki kân.
Ing tơdroăng pêi pro koh hâk lo hơnăm nếo, kong pơlê Gia Lai tơngah tơbleăng mê vâ pro tíu ki mơdêi mơhno túa lĕm tro - ôm hyô, tơbleăng um méa kơpong tơnêi ƀă kuăn mơngế kơphô̆ kong ngo, hlối vâ mơhnhôk kô mơ-eăm tâ nếo tung hơnăm 2026 - hơnăm Gia Lai hbrâ chêh inâi po hơnăm Ôm hyô tơnêi têa.
Viết bình luận