Kố cho tơdroăng châ tơƀrê tung pơhlêh pro mơ-éa cheăng kâ rêh ối ƀă tơnêi têa dêi kong pơlê, châ tối a hôp khu chêh hlá tơbeăng xua Vi ƀan kong pơlê Gia Lai tơkŭm po. Hơnăm 2025, kong pơlê hiăng séa ngăn tâi tâng mâu mơ-éa cheăng kâ rêh ối ƀă tơnêi têa, pôe kơdroh tơdế chôu phut pro mơ-éa, tơkâ hluâ pơkâ pêi plah Chin phuh pơcháu.

Ki tơtrŏng má môi, tung pơla pêi pro mâu mơ-éa tơdjâk troh mơ’no liăn cheăng, mơjiâng, tíu pêi cheăng châ kơdroh ‘nâng ‘nâi rơdêi; ƀă tơdroăng tơkêa bro pakong kơpong kơmăi kơmok kơdroh chu u ối dâng 60 hâi, tung kơpong cheăng kâ u ối 38 hâi. Hâi khế xing xoăng ăm mơ-éa mơnhên kĭ mơ-éa tê mơdró châ kơdroh ‘nâng ‘nâi sap ing 3 hâi chu bu u ối 3 chôu. Gia Lai xuân cho kong pơlê pêi pro 100% mơ-éa cheăng kâ rêh ối ƀă tơnêi têa ôh tá tiô tơnêi tơníu mơ-éa cheăng kâ rêh ối ƀă tơnêi têa; tơdrêng amê, mơdêk xing xoăng râ, pơcháu hnoăng ƀă tơbleăng troăng hơlâ ăm tê kơtê, kơdroh ƀă hô sơ pêi pro tung troăng hyôh măng.

Kơnôm mê, kơxô̆ hô sơ nâp tơdrêng tung troăng hyôh măng châ lối 95%, hô sơ pro tro hâi khế pơkâ châ 98%. Ƀă mâu tơdroăng châ tơƀrê kố, kơlo têk chu gum kuăn pơlê ƀă khu tê mơdró dêi Gia Lai ối má 2 lâp tơnêi têa, ối tung khu mâu kong pơlê ai tơdroăng tơdah pêi cheăng rơkê.