Đảng ủi Khu lêng kong pơlê Dak Lak pơkâ kơtăng Rôh hôp Tơnêi têa 15 tro ƀă cheăng hbrâ rơnáu hneăng hôp kân XIV dêi Đảng
Thứ năm, 05:00, 08/01/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Hâi lơ 7/1, Đảng ủi Khu lêng kong pơlê Dak Lak tơkŭm po Rôh hôp tơbleăng klêi kơ’nâi Rôh hôp má 15 Khu pơkuâ ngăn xiâm Đảng hneăng XIII ƀă cheăng hnê tối, pơkâ troăng tơmiât pêi hbrâ rơnáu Hneăng hôp khu kăn lâp tơnêi têa rôh má XIV dêi Đảng; pôk kăn Kuô̆k hô̆i hneăng XVI, Hô̆i đong hnê ngăn rêm râ hơnăm 2026 – 2031.
A rôh hôp, mâu kăn châ pơkâ mâu tơdroăng ki xiâm, tơdroăng ki kal ƀă mâu tơdroăng ki nếo, ai tơdroăng tơmiât pêi tung la ngiâ châ Tơnêi têa tơpui, séa ngăn, pơkâ a Rôh hôp Tơnêi têa 15. Ƀă khu lêng kring vế kong pơlê Dak Lak, tơdroăng pơkâ pêi pro kơtăng ăm Rôh hôp Tơnêi têa 15 dêi Đảng châ mơnhên cho cheăng kal kí ki kal, đi đo.
Rêm râ Đảng, tơkŭm Đảng pơtối séa ngăn kơtăng trâu tơdroăng pơkâ pêi Đảng pơkuâ, hnê mơhno tung mâu tơdroăng cheăng ƀă Khu lêng; rak vế hiâm mơno tơchĕng dêi Đảng tung khu lêng kring vế; tơkŭm mơjiâng tíu pêi cheăng krá rơdêi ‘na cheăng kal kí, pro tơdroăng ki mơnhông rơkê tơkŭm ƀă ivá rơdêi tơplâ.
Viết bình luận