Pôa Trần Cẩm Tú tối rơdêi, tiô tối hdrối hâi lơ 14/1 la ngiâ kô tơkŭm po mơnúa apoăng ƀă 15/1 tơkŭm po mơnúa má mơ’nui ahdrối vâ pơxiâm po Hneăng hôp má XIV, xua mê mâu kơ koan cheăng tơrŭm krá tơniăn, mơdêk hiâm mơno pôu râng hnoăng cheăng rơnuâ tíu tơkŭm po lĕm mơnâ mâ ngăn, loa micro, on ƀă hiá hé a Hngêi hôp ki xiâm tiô tơdroăng ki rơnuâ bro ƀă tơ’nôm ki nếo hnê mơhno a roh séa ngăn, tơniăn tơtro, kân krip, tro tiô pơkâ.

Tiô tối hdrối, Hneăng hôp kăn teăng mâ lâp tơnêi têa roh má XIV dêi Đảng tơkŭm po tung pơla 7 hâi (19 – 25/1/2026). Sap ing kố troh pơxiâm po Hneăng hôp má XIV dêi Đảng u ối lối 10 hâi, pôa Trần Cẩm Tú, Hnê mơhno má môi khu râ kăn pơkuâ hnê ngăn cheăng Đảng tối phiu ro mâu kơ koan ki tơdjâk kô pơtối mơ-eăm, tơrŭm vâ kêi đeăng mâu tơdroăng ki u ối ƀă dâi lĕm má môi, vâ troh lơ 14/1 tơkŭm po roh pơtâp po apoăng; hâi lơ 15/1 kô tơkŭm po mơnúa po má mơ’nui apoăng vâ pơxiâm po Hneăng hôp.