Khĕn kơdeăn, tối mâu tơdroăng mơ-eăm luât tơdroăng ƀă mâu hnoăng veăng ‘no ki kal dêi Kơvâ Liăn ngân ƀă tơdroăng mơnhông cheăng kâ - pơlê pơla dêi tơnêi têa hơnăm 2025, Ngế pro xiâm hnê ngăn tối 32 tơdroăng ing “Tăng ‘nâi plĕng nhên - Khu xiâm pro hlâu - Luât pê klêi - xo hrê ai rơlối - Khu mơdró nếo xông - Kân tơniăn - Kuăn pơlê hơniâp - Tơnêi têa xông tơƀrê”.

Hơnăm 2026, Ngế pro xiâm hnê ngăn tơnêi têa pơcháu ăm Kơvâ Liăn ngân tơbleăng troăng hơlâ pêi pro: “Púi vâ xông rơdêi- Luât pơkâ dêi ahdrối - Pơkuâ cheăng tơƀrê - pơ’lêh kơxô̆ prôk hdrối - Xo hdrê hên- Liăn ngân krá tơniăn”. Ngế pro xiâm hnê ngăn tơnêi têa pơkâ thế Kơvâ Liăn ngân prôk hdrối ‘na hơ’lêh nếo tuăn tơmiât, pơ’lêh hriĕn plĕng ki nếo mơnhông tơƀrê; tăng ‘nâi plĕng tơniăn liăn ngân tơnêi têa ai xiâm, ki kal; rơtế ƀă, kơjo kum 2,3 rơtuh rơpŏng mơdró kâ hơ’lêh chiâng troăng hơlâ tơ’lêi hlâu má môi, ngăn mê cho xiâm vâ vâi mơnhông tơná xông tơƀrê chiâng khu mơdró tiô Pơkâ 68.

Ngế pro xiâm hnê ngăn tơnêi têa loi, kơvâ ngăn Liăn ngân kô pơtối rak vế pêi pro ki xiâm, pêi klêi hnoăng cheăng tung hơnăm 2026, po troăng xiâm liăn ngân vâ bro tơdroăng púi vâ chiâng ai khât, pro xiâm krá kal, veăng mơnhông tơnêi têa mot tung chal nếo mơnhông tơná.