Tơdroăng tối tơbleăng ing Khu pơkuâ kăn ƀô̆ kong pơlê Lâm Đồng ăm hlo, troh hâi lơ 6/1, Khu hiăng tơdah châ tơbleăng tơdroăng liăn khế, mơhá liăn Têt dêi 229 khu tê mơdró, khu xúa mơngế pêi cheăng dế pêi cheăng tung kong pơlê, ƀă tâi tâng kơxô̆ lối 19.800 ngế pêi cheăng.

Ngăn tơdjuôm, mâu khu tê mơdró hiăng pêi pro tŭm mâu pơkâ dêi luât ‘na liăn khế, liăn mơhá ăm mơngế pêi cheăng. Ƀă mơhá liăn Têt Lo hơnăm nếo Bính Ngọ 2026, nôkố ai 116 tung 229 khu tê mơdró tơbleăng ai mơhá ăm mơngế pêi cheăng. Tung mê, khu tê mơdró krê pơtối pro tơbâ vế ki lĕm tung ngoâ drêng ai môi khu tê mơdró mơhá 180 rơtuh liăn/môi ngế, kơlo hên má môi sap ing hdrối nah troh nôkố lâp kong pơlê. Laga xuân ai khu tê mơdró tung khu kố mơhá liăn Têt cho iâ, bu 200.000 liăn/môi ngế.