VOV4.Xơ Đăng - A plông kân Lâm Viên - Đà Lạt, Kơ koan xiâm Khôi túa lĕm tro xiâm rêi, Rơpŏng ƀă Tíu chôu ‘măn kơxop hlá mơ-éa, Khu xiâm Khôi túa lĕm tro, Tơ’noăng ivá ƀă Ôm hyô tơrŭm ƀă Vi ƀan kong pơlê Lâm Đồng tơkŭm po Mơđah tơbleăng um ki kân pơtâng tối Hneăng hôp kăn teăng mâ lâp tơnêi têa roh má XIV dêi Đảng.

VOV.Xơ Đăng - Rơhdruê cho tơdroăng ki ai hên tung tơdroăng rêh ối hiêm mơno dêi kuăn pơlê mâu hdroâng kuăn ngo Tây Nguyên, tung mê ai kuăn pơlê hdroâng kuăn ngo Rơteăng. Vâi krâ kuăn pơlê ai hên khôi túa lĕm tro ƀă mâu khu ngê̆ thuât, ing rơhdruê, rơngê, ting ting, rơhdruê xoâng troh tôu mâu chêng koăng, klông pal, klong put, prôa tơnĭng hdroâng kuăn ngo, rơhdruê tŭm tơdroăng. Rơkong rơhdruê châ rơhdruê drêng lăm a chiâk deăng, tung leh hô̆i, pơkoăng, drêng lông vâi hdrêng koi lơ drêng droh rơtăm thông dêi pó...Tung troăng prôk ôm hyô ti tăng plĕng kơpong tơnêi ƀă kuăn mơngế Tây Nguyên, tơmối ai roh tơ’lêi châ tơmâng mâu tơdroăng rơhdruê, rơngêi, ting ting jế rơmuô̆n ƀă trâu ối tung mơno dêi mơngế Rơteăng.

VOV.Xơ Đăng - Tung môi rơxông dêi mơngế Bơhnéa hmâ ƀă tơdroăng ki rơkâu xối tiô chal krâ, tối ki tơrŭm pơla kuăn mơngế, jâ pôa ƀă pơlê pơla. Drêng ngế hdrêng mê nếo kot mâ mê pro “Rơkâu xối kơtê klo” koh tơdah, dó inâi mơngế hdrêng ki nếo kot mâ, rơkâu ăm ivá ga mo sêi, têi ‘răng ƀă tơdroăng ki châ rêh ối tơniăn lĕm. Troh drêng hlâ ah, lăm ‘mế, mê nếo pro tơnâp châ tơkŭm po kân krip.

VOV.Xơ Đăng - Tôu chêng koăng cho khôi túa lĕm tro tiô khôi vâi krâ nah ki má môi dêi kuăn pơlê mâu hdroâng kuăn ngo a Tây Nguyên. Ƀă hdrông mơngế K’Ho a kong pơlê Lâm Đồng, hdrối nah, tơdroăng tôu chêng koăng hmâ xua mơngế kơnốu tôu. Laga, mâu hơnăm achê kố, troăng tơmiât kố hiăng chôa pơhlêh, ƀă hiăng ai mâu khu chêng mơngế kơdrâi tôu châ mơjiâng, ôh tá xê to rak tơmeăm ki kơnía chêng koăng, mê ối mơjiâng tơ’nôm ki lĕm nếo ăm tơdroăng mơhno khôi túa lĕm tro, ƀă pro tơmối hâk vâ troh ƀă kơpong ôm hyô Lâm Đồng.

VOV.Xơ Đăng - UBND kong pơlê Dak Lak nếo tơkŭm po Rôh hôp Mơgêi 20 hơnăm hnoăng cheăng rak vế ƀă mơnhông tơmeăm túa lĕm tro chêng koăng (2005–2025), pơkâ pêi troh hơnăm 2030.

VOV.Xơ Đăng – Tung mâu khế mơ’nui hơnăm, mâu kong pơlê tung kơpong Tây Nguyên ƀă achê kong tơbăng têa kơxĭ Pêa Hdroh Tơdế Tơnêi têa dế thâ pơkâ, pêi pro mâu troăng hơlâ vâ tơ’mot tơmối mot ôm hyô, veăng mơnhông pêi cheăng kâ-rêh ối pơlê pơla a kơpong kố.

VOV.Xơ Đăng - Châ rak sap hơnăm 2005 troh nôkố, tơdroăng ‘’Pơlê xah hêi ro , pơlê rơhdruê xuăng’’ a kong pơlê Dak Lak cho troăng pêi tơkŭm po mơhno khôi túa lĕm tro ki má môi, mơhnhôk kơdrâm kơdrĕng mâu kuăn pơlê mâu hdroâng kuăn ngo veăng pêi pro. Mâu roh tơ’noăng mơđah tơbleăng tôu chêng koăng, rơhdruê tiâ pro tơhmâ dêi pó; pêi báu, teăn pong chêa ƀă pế mâu kơchâi kâ tiô khôi vâi krâ nah hiăng châ vêh bro, rak vế, chiâng tơmeăm ôm hyô ki má môi ăm tơmối. Rơtế ƀă mâu hdroâng kuăn ngo ki ê, mơngế Rơteăng, ƀă khôi túa lĕm tro ki má môi, hiăng gum rơtế tơdroăng ‘’Pơlê xah hêi ro, pơlê rơhdruê xuăng’’ chiâng thăm hên hĭn ƀă ro sôk má môi.

VOV.Xơ Đăng - Rơngê rơngối cho tíu ki chôu ‘măn hên hĕng mâu khôi túa, vêa vong, cho ‘măn rak mâu tơdroăng ki hiăng ai ton hdrối mê hía nah, xuân môi tiah mâu tơdroăng ki hlê plĕng tung tơdroăng rêh ối châ hlo nhên ing mâu tơdroăng ki hiăng ai hdrối mê hía nah ki ton tĭn. Rêm tơdroăng rơngê rơngối pơrá tơdjâ, pơtroh mơhúa túa lĕm tro, trối idrâp ki chuât xơtó ó rơdêi dêi tơdroăng rêh ối, pơlê pơla mâu hdrông kuăn ngo a kong kế kân rơdâ krip krĕng, chuât xơtó ing lối rơpâu hơnăm hdrối mê hía nah.

VOV.Xơ Đăng - Klăng 20 hơnăm, riân sap ing hâi ki Tơdroăng mơđah tôu chêng koăng Tây Nguyên hiăng châ UNESCO pơ-eăng cho tơdroăng ki ôh tá xê tơmeăm khoăng teăng mâ ăm mâu túa lĕm tro dêi kuăn mơngế a rŏng tơnêi, a kong pơlê Gia Lai, mê idrâp chêng koăng xuân ối cho i hiâm mơno ki hâk tơngăm ƀă tơdroăng ki krip tơviah dêi mâu hdroâng kuăn ngo ki iâ mơngế.

VOV.Xơ Đăng - Mơngế Rơđế - môi tung mâu hdroâng kuăn ngo pêng păm khôi túa lĕm tro a kơpong Tây Nguyên kơpong kân rơdâ – a môi tíu ngê̆ thuât kơhnhon xuăng kơnía phá tơ-ê má môi. Mâu túa, rơ-rêk xuăng dêi vâi ôh tá xê to mơhno ki lĕm tro ‘na châ, túa, rơ-rêk ƀă tơdroăng ki chiâng lĕm tung ngê̆ thuât mơđah tơbleăng, mê ối mơhno trâu hơngế tơdroăng rêh ối ‘na hiâm mơno, tơdroăng loi tơngah ƀă tíu xiâm dêi tơmeăm kong kế. Tung mê, mâu túa, rơ-rêk ki lĕm ro má môi kô chiâng tối troh môi tiah nâl Rơđế tối dêi: Ktŭng Khăk, lơ tối Ghat khil (xuăng râng khiâ), Kdŏ jông (xuăng râng chông), Pah hgơr (xuăng têa hơkâ), Čim Grư̆ (xuăng bro kleăng.