Tiô tơkêa, mâu kơ koan hlá tơbeăng tơkŭm hnê tối klêi kơ’nâi mơnhông cheăng kâ pơlê pơla, cheăng lêng – gâk kring; mâu troăng hơlâ tŏng gum kân dêi Đảng, Tơnêi têa ƀă dêi kong pơlê; Pơkâ Hneăng hôp Đảng ƀô̆ kong pơlê Lâm Đồng rôh má I, hơnăm 2025 – 2030; Pơkâ Hneăng hôp XIV dêi Đảng; cheăng tâ phĭu pôk kăn Kuô̆k hô̆i hneăng XVI ƀă Hô̆i đong hnê ngăn kuăn pơlê rêm râ hơnăm 2026 – 2031; rơtế ƀă mâu pơkâ pêi tung la ngiâ dêi Tơnêi têa ‘na khoa hok – kong ngê̆, pơhlêh kơxô̆ ƀă tơrŭm cheăng lâp plâi tơnêi.

Tơpui a rôh hôp, pôa Nguyễn Văn Lộc, Kăn pơkuâ Khu ngăn túa lĕm tro, Tơ’noăng ivá ƀă Ôm hyô kong pơlê Lâm Đồng ăm ‘nâi, kong pơlê kô pro tơ’lêi hlâu vâ mâu kơ koan hlá tơbeăng châ ‘nâi tơdroăng ki kal, tơdrêng amê hlối khu kô pro tíu cheăng xiâm hnê mơhno, ăm mâu khu râ, kơvâ cheăng, Vi ƀan hnê ngăn mâu cheăm, bêng, kơpong pêi cheăng pêi kơtăng túa pơkâ tơpui ƀă tơbleăng tơdroăng kal ăm khu chêh hlá tơbeăng.