Ƀă dó inâi ‘’Mai anh đào Đà Lạt – Tơkŭm ki mơngiơk rơnó hơngui’’, leh hô̆i nhuô̆m ki lĕm khu reăng mơhno dêi pơlê kong kơdrâm Đà Lạt, tơdrêng amê tơbleăng um méa kuăn mơngế Đà Lạt têm rơpiêt, hâk vâ tơmối. Leh hâk ro tơkŭm po sap hâi lơ 16/1 troh apoăng khế 2/2026 a hên kơpong tíu xiâm ƀă kơpong ki achê, tung mê ki má môi cho mâu tíu ki eăng ngê̆ thuât a troăng kân Trần Hưng Đạo, pêi cheăng xup um, reăng, mơđah tơbleăng troăng kơphô̆ ƀă tơbleăng tơmeăm pêi lo ing chiâk deăng, tơmeăm OCOP, chếi, kơphế ki má môi dêi pơlê kong kơdrâm.

Tíu po leh ối châ po rơdâ troh kơpong ôm hyô Tơnêi têa Hồ Tuyền Lâm, kơpong chế Cầu Đất, Thung lũng Tình yêu, ƀă mâu tơdroăng châ tâ châ hlo ôm hyô pêi chiâk deăng, trâm mâ mơhno khôi túa lĕm ƀă mơđah chêng koăng, gum mơhnhôk ôm hyô ƀă tơbleăng um kơpong rơpâu reăng.