Ƀă troăng pơkâ cho hâi pơtê, mơngế pêi cheăng châ pơtê hâi ki mê la ai liăn khế, vâ Kuăn pơlê châ mơdêk tơdroăng châ xúa mơho túa lĕm tro, mâu văn ngê̆ sih châ mơhnhôk hriăn plĕng, tâi tâng pơlê pơla mơdêk, pêi pro tơdroăng rêh ối rơkê lĕm tro.

Pôa Tô Lâm, Kăn xiâm pơkuâ hnê ngăn Đảng hiăng kĭ pơkâ 80 dêi Khu xiâm Kal kí ‘na mơnhông túa lĕm tro Việt Nam. Khu xiâm kal kí tối nhên troăng hơlâ mơnhông túa lĕm tro, kuăn pơlê cho xiâm, ki kal, mơhnhôk kân, xiâm rêi, ki vâ mơhnhôk mơnhông rĕng ƀă krá dêi tơnêi têa. ‘No liăn mơhno túa lĕm tro cho ‘no liăn ăm mơnhông krá tơnêi têa, ăm tung la ngiâ dêi hdroâng mơngế. Pơtối rak ki kơnía ƀă rơdêi túa lĕm tro, kuăn mơngế Việt Nam tung chal nếo.