VOV4.Xơ Đăng - Tơ’noăng pế pơchên kế kâ, tơmeăm ôu “Tơnêi têa tơrŭm chiâng môi” cho tơdroăng ki xiâm tung mâu tơdroăng koh hâk tơbâ 49 hơnăm tơleăng lĕm peăng Hdroh, pro tơnêi têa tơrŭm chiâng môi a hâi lơ 30/4 po a Thảo Cẩm Viên Sài Gòn hơnăm kố.

VOV4.Xơ Đăng - Troh a Langbiang, kong pơlê Lâm Đồng ai vâ chê 70% cho hdroâng mơngế kuăn ngo, ki hên cho hdroâng K’Ho. Ki rơhêng vâ tối, mơngế K’Ho rêh ối pa kơdâm ngo Langbiang xuân ối rak vế dêi khôi túa, vêa vong ki lĕm tro ‘na rak vế chêng. Ing khôi túa, vêa vong krê dêi mơngế kuăn ngo, mâu hơnăm achê pơla kố, tơdroăng rak vế, tôu chêng hiăng chiâng môi tung mâu tơdroăng ki xiâm vâ tơ’mot tơmối mot ôm hyô troh a tơring Lạc Dương.

VOV4.Xơ Đăng - Tung tơdroăng rêh ối dêi mâu hdroâng kuăn ngo Tây Nguyên, vó pế drôu cho tơdroăng ki kal kân khât. Vó drôu ti xê to tơmeăm ki xúa rêm hâi mê ối cho tơmeăm ki xúa tung mâu roh ki vâ rơkâu xối khu xeăng, cho tơmeăm ki vâ pleăng mơhno tung pơla pơkoăng ŏng mế ƀă xuân cho tơmeăm ki mơhno tối tơdroăng ki kro mơdrŏng, ki cho păng ‘nâng, ki châ ô eăng tung rêm rơpŏng hngêi.

VOV4.Xơ Đăng - Kơxê hâi lơ 25/4, a pơlê Tu Thoh, cheăm Tê Xăng, tơring Tu Mrông, kong pơlê Kon Tum pơxiâm po Hneăng tơ’noăng pơchên kế kâ lâp plâi tơnêi ƀă vâ ‘nâi ki hên kơchâi kế kâ dêi Việt Nam ai 120 kơchâi kế kâ ki pro pế ing đẳng sâm (ki vâi hmâ tối dêi Sâm kơxái) môi túa pơkeăng kơnía a kong ngo Tu Mrông.

VOV4. Xơ Đăng -  Kơxê lơ 23/4, Đảng ƀô̆, khu râ kăn pơkuâ tơring Krông Pa, kong pơlê Gia Lai hiăng tơkŭm po kân krip tơdah ƀâng tiô kơlo tíu chôu ‘măn tơmeăm khoăng ton nah mơnhông tơnêi têa kơpong đông tơplâ xâ nah Čư̆ Jŭ, Dliê Ya klăng roh leh tơbâ 45 hơnăm hâi mơjiâng tơring.

VOV4.Xơ Đăng - A hngêi tơ’noăng Ivá kong pơlê Dak Lak a pơlê kong kơdrâm Ƀuôn Ma Thuột, Vi ƀan kong pơlê Dak Lak nếo tơrŭm ƀă Khu xiâm pơkuâ hnê hriâm ƀă Hnê mơjiâng tuăn ngôa rơkê tơkŭm po ‘’Hneăng tơ’noăng Phù Đổng lâp tơnêi têa roh má X, kơpong IV hơnăm 2024.

VOV4.Xơ Đăng - Ƀă mâu hdroâng kuăn ngo ki iâ mơngế a Tây Nguyên, hơ’muăn hdrôu ga ai tŭm ki kơnía git dêi túa lĕm tro, ki hiăng ton sap ing chal vâi krâ nah troh nôkố, xuân môi tiah cho ing tơdroăng ki rơkê khât châ tơbroăng, châ kơdĭng hiăng ton dêi hên rơxông. Rêm tơdroăng hơ’muăn hdrôu pơrá tơdjâ túa lĕm tro, môi tiah kế ki chuât krip ro dêi tơdroăng pơlê pơla a kong ngo krip krih, châ mơhno tối hiăng châ lối rơpâu hợnăm. Xuân tá xê ga hmôu pơ ai xêh, xua hơ’muăn hdrôu Tây Nguyên châ ngăn cho mơhúa, cho hlá mơ-eá ki chêh tối tŭm têk dêi mâu hdroâng kuăn ngo a Tây Nguyên.

VOV4.Xơ Đăng - Ƀă mơngế Tây Nguyên, tung leh mơdĭng, pro tĭng tơdroăng rơkâu xối dêi pơlê cheăm pá kĭng idrâp chêng koăng hơniâp ro, drôu xiâm ki xú hŏm lĕm, ôh tá păng lôi tơdroăng pro ƀă mơdâng kâng. Tung mâu hâi mơdĭng dêi pơlê pơla, kâng cho tơmeăm ki châ ngăn cho tơmeăm khoăng ki kal má môi. Rơnuâ rơneăm, um méa dêi kâng cho vâ mơhno tối ki kân krip dêi tơdroăng leh mơdĭng, todroăng tĭng. Kâng cho ki xiâm vâ mơhno tối ‘na tơdroăng loi tĭng, ai tơdjâk pơla rŏng tơnêi ƀă kong plêng, kuăn mơngế, mơhúa jâ pôa dêi rêm hdroâng kuăn ngo pơrá ai mâu tơdroăng ki krê xêh dêi pó, ƀă ai tơdroăng ki rơneăm phá tơ-ê.

VOV4.Xơ Đăng - Kong pơlê Lâm Đồng dế tơbleăng tơdroăng hbrâ Măng tĭng pêi pro hên tơdroăng Ôm hyô Lâm Đồng rôh má 3 hơnăm 2024 vâ tơ’mot hên tơmối troh ôm hyô.

VOV4. Xơ Đăng -Kơxo lơ 17/4, a kong pơlê Hà Tĩnh po leh mitting tơbâ 120 hơnăm hâi kot mâ pôa Trần Phú – Kăn xiâm pơkuâ hnê ngăn Đảng hneăng apoăng dêi Đảng (01/5/1904 - 01/5/2024).