Tơdroăng kố ai hên tơdroăng pêi pro túa lĕm tro chal krâ môi tiah xoăng prếo, rơngê, ting ting, hơdruê quan hŏ, xoăng sạp, chêh thư pháp, pro kơƀăn chal krâ, mơ-eăm pro um méa. Mâu tíu mơđah tê tơmeăm OCOP xuân châ tơbleăng tê vâ kuăn pơlê châ hlo roê xúa.

Tung mê, cheăng pơxiâm râng loăng chêh vâ chê chư a poăng Rơnó Hơngui ai hên ngế troh pâ thế chêh ăm chư ƀă tơdroăng ki rơhêng vâ môi hơnăm nếo tơniăn lĕm, tơ’lêi hlâu. Tơdroăng tơkŭm po tơdroăng koh tơdah rơnó hơngui a tíu xối tơbâ kố veăng gum mơdêk ki kơnía ‘na tơdroăng lĕm tro ƀă tơdroăng rêh ối dêi kuăn pơlê.