Tiô Khu ngăn Túa lĕm tro, Tơ’noăng ivá ƀă Ôm hyô kong pơlê Gia Lai, kơpong pro kế ki tĭng Rơnó Hơngui Bính Ngọ 2026 châ pro ing tơdroăng “Thánh Gióng – Đẫt Võ – Đại Ngàn”, Kế ki pro kố châ mơhno ki tơrŭm lĕm tro pơla chal krâ, túa lĕm tro ƀă tơdroăng púi vâ mơnhông dêi kong pơlê Gia Lai tung hneăng nếo.

Tơdroăng ki xiâm dêi kơpong pro kế ki tĭng kố cho Um Xêi tơplâ, kế ki tĭng kố cho tơdroăng ki xiâm dêi hơnăm Bính Ngọ 2026, xo tơdroăng ki hâk vâ sap ing Xêi meăm dêi Thánh Gióng, mơhno ăm ivá rơdêi, hiâm mơno khên tơnôu ƀă tơdroăng púi rơhêng vâ mơnhông, tơrŭm cheăng dêi Gia Lai tung chal nếo.