VOV4.Xơ Đăng - Ôh ta xê to tíu ki lĕm krip xua kong prâi krip ro, mê rêm rơnó Têt troh rơnó Hơngui vêh, Lai Châu ối cho tíu ki lĕm krip vâ ăm tơmối troh mot ôm hyô vâ tí tăng ‘nâi plĕng ‘na leh mơdĭng ki hơniâp ro mê. Rêm leh mơdĭng mê ối cho roh ki vâ mâu hdroâng kuăn ngo ki iâ mơngế hơniâp ro, koh hâk rơnó Hơngui ƀă pói châ môi hơnăm nếo tơniăn lĕm, pon mơhúa. Ing mâu túa ki mơdĭng rơkâu pâ ai kong mêi dêi mơngế Thái, leh mơdĭng Gầu Tào dêi mơngế Mông ta troh a mâu túa kơhnhon xuăng ki ai hên mơngiơk hmân ếo pơtâk, tâi tâng mâu tơdroăng mê hiăng chiâng tơdroăng ki ai hên mơngiơk, tơ’mot hên tơmối châ troh ôm hyô ƀă châ ‘nâi, châ plĕng a kơpong ki lĕm krip kố.

VOV4.Xơ Đăng -  Tơdroăng Hâi Thơ roh má 23 a Dak Lak hiăng pơxiâm po kơxo lơ 9/2 ƀă hên tơdroăng pêi kơdrâm phiu ro, má môi.

VOV4.Xơ Đăng - Tung mâu hâi apoăng hơnăm nếo Ất Tỵ kố, mâu kơpong ôm hyô túa lĕm tro pơlê pơla a Dak Lak hiăng chiâng tíu ki xiâm troh vâ kuăn pơlê ƀă tơmối ôm hyô troh mot ngăn, châ ‘nâi, châ pêi pro tiô khôi túa, vêa vong dêi hdroâng kuăn ngo a Tây Nguyên. Mâu tíu ki troh mê cho Ƀuôn Đôn, ƀuôn Akŏ Dhông, pơlê kong kơdrâm Ƀuôn Ma Thuột, Kơpong ôm hyô túa lĕm tro pơlê pơla Akŏ Tam lơ ƀuôn Tring, tơring Lăk, ôh ta xê to vêh mơnhên tơdroăng rêh ối tiô khôi hmâ ki xiâm mê ối tơkŭm po hên mâu tơdroăng cheăng ôm hyô vêh pơtroh tơdroăng ki trâu rơdâ nhên khât khôi túa hdroâng kuăn ngo.

VOV4.Xơ Đăng - Ƀă mâu hdroâng kuăn ngo ki iâ mơngế a Tây Nguytên tối tơdjuôm ƀă mơngế Bơhnéa tối krê, hmôu jiâ ôh ta xê to tơmeăm ki tĕn mơjiâng ƀă kŏng, mê ối cho tơmeăm khoăng ki kal dêi kuăn ngo. Drêng ai tơdroăng ki tơvât ‘na túa rêh kâ ối chal nếo nôkố, hên vâi nâ o mơngế Bơhnéa đi đo hriâm dêi túa tĕn hmôu jiâ vâ veăng gum rak vế tơmeăm khoăng tiô vâi krâ hiăng hnê ‘măn ăm nah. Tung mê, ôh tá păng lôi tơbâ troh ngế droh hơnăm ối nếo, Kerry, kot mâ hơnăm 1995, ối a 191 troăng Phan Chu Trinh, bêng Thắng Lợi, pơlê kong kơdrâm Kon Tum, kong pơlê Kon Tum hiăng kơhnâ khât tung rak vế ƀă pơtối mơnhông cheăng tĕn hmôu jiâ-ing mâu rơmoăng, jiâ mê hiăng pơchoh chiâng hmân ếo, pơtâk tiô chal nếo, mơhnho tối ki kơnía ‘na túa lĕm tro ƀă tơdroăng pêi cheăng kâ.

VOV4.Xơ Đăng – Rêm roh troh rơnó Hơngui, kong ngo Nà Hẩu lĕm ro, xuân cho rôh kuăn pơlê Mông a cheăm Nà Hẩu, tơring Văn Yên, kong pơlê Yên Bái tơkŭm po mơdĭng xối kong lơ vâi hmâ tối dêi “Têt kong Nà Hẩu’’. Pro mơdĭng mê  tơkŭm po  vâ tơbâ xiâm rêi jâ pôa, mơnê xeăng kong, hlối vâ pơtối rak túa lĕm tro ton nah ki lĕm krê dêi hdroâng  kuăn ngo akố.

VOV4.Xơ Đăng - Kơxo lơ 6/2, kong pơlê Dak Lak hiăng tơkŭm po roh trâm mâ apoăng rơnó Hơngui ƀă khu mâu ngế tuăn ngôa rơkê, văn ngê̆ sih ƀă khu chêh hlá tơbeăng dế pêi cheăng a kong pơlê; mơnhên mâu tơdroăng veăng kum dêi mâu ngế rơkê ƀă tơdroăng mơnhông dêi kong pơlê.

VOV4.Xơ Đăng - Kơxo lơ 6/2, cho hâi má 9 khế môi hơnăm Ất Tỵ, a kơpong tíu chôu ‘măn tơmeăm khoăng roh ton nah Hoàng Thành Thăng Long – Hà Nội, Tíu xiâm Rak vế tơmeăm kơnía má môi Thăng Long – Hà Nội tơrŭm ƀă Khu pơkuâ tơmeăm kơnía Khôi túa lĕm Thăng Long – Hà Nội tơkŭm po leh têk nhâng, pơxiâm po rơnó Hơngui tơbâ mâu pơtáu, mâu ngế chal hdrối nah têm rơpiât rơkê ai hnoăng ƀă tơnêi têa.

VOV4.Xơ Đăng - Hâi lơ 5/2, cho hâi má 8 khế môi, pơlê pơla mơngế Mường a cheăm Hòa Thắng, pơlê kong kơdrâm Ƀuôn Ma Thuột, kong pơlê Dak Lak rơtế tơkŭm a tíu koh tơbâ Lạc Sơn, cheăm Hòa Thắng vâ tơkŭm po leh ju kâng.

VOV4.Xơ Đăng - Ƀă tơdroăng tơdah hơnăm nếo Ất Tỵ tơdrêng ƀă tơdroăng hriăn plĕng, khu kơchuâ um G39 hiăng kơchuâ 80 túa um ki lĕm vâ tối ‘na “Tết Tỵ 2025’’ a Tíu mơđah tơbleăng um kơchuâ Việt Nam, vâ mơhno um mâu pah ki têm, hmâ achê, tối hdrối tơdoăng mơhúa tung hơnăm nếo Ất Tỵ 2025. Púi vâ pơhlêh mâ ngăn dêi kuăn pơlê ‘na pah, mâu ngế kơchuâ um hiăng rơkê kơchuâ um pơrá phá mơhno um mâu pah têm rơpiât, achê, vâ tối hdrối tơdroăng ki mơnúa tung hơnăm nếo.

VOV4.Xơ Đăng – Rêm rôh troh hơnăm nếo, kuăn pơlê Rơteăng a ƀuôn Kon Hring, cheăm Ea H’Đing, tơring Čư̆ Mgar, kong pơlê Dak Lak hmâ tơkŭm po mơdĭng mơnê kơ xeăng hiăng ăm môi hơnăm pêi cheăng kâ pon mơhúa, mê ối cho rôh kuăn pơlê vâ tơrŭm dêi rơpó rơtế ối tâ tá kâ hmê phâi hơtô, xú hŏm lĕm tiô chal krâ nah.