VOV.Xơ Đăng - Mâu hơnăm achê kố, mâu hngêi trung a kơpong Tây Nguyên hiăng tơkŭm po tơbleăng mơhno ăm hok tro châ ngăn, châ hlo ‘na khôi túa lĕm tro dêi mâu hdroâng kuăn ngo. Hngêi trá xŏn, rơneăm kế ki lĕm mơnâ mâ ngăn a ếo pơtâk dêi hdroâng kuăn ngo, ‘na chêng koăng Tây Nguyên,… mâu ki kơnía dêi khôi túa lĕm tro vâi krâ nah hiăng kơteăng lo a kơtâ mơ-éa chêh vâ chiâng mâu troăng pêi, tua bro ƀă tơdroăng ki tơ’noăng dêi kơdrâm kơdrĕng, phiu ro tung mâu chôu mơhriâm pa kong.

VOV.Xơ Đăng - Môi tung mâu tơdroăng ki ro má môi, mơhnhôk kơdrâm kơdrĕng tơmối ƀă kuăn pơlê rơhêng vâ tí tăng ‘nâi plĕng Măng tĭng Pơxiâm po Hơnăm Ôm hyô Tơnêi têa 2026 a Gia Lai cho ‘’Hâi tơkŭm hâk ro ‘na Kơchâi kâ’’. Ai Dâng 50 tíu tơmeăm tê, tung mê 28 tíu tơmeăm kơchâi kâ, ƀă tơdroăng ki veăng pêi dêi hên ngế pế pơchên kơchâi kâ ki rơkê. Hâi tơkuăm xah hêi ro ối gum pơ-ô pơ-eăng ki kơnía dêi kơchâi kâ tiô khôi túa vâi krâ roh nah dêi mâu hdroâng kuăn ngo Tây Nguyên.

VOV.Xơ Đăng - Kơxo lơ 26/3, a Plông kân 10/3, bêng Buôn Ma Thuột, Khu Ngê̆ sih Xup um Việt Nam tơrŭm ƀă Khu pơkuâ Văn hok Ngê̆ thuât kong pơlê Dak Lak pơxiâm po mơđah tơbleăng um ngê̆ thuât ƀă dó inâi ‘’Mơngiơk mâu hdroâng mơngế Việt Nam’’.

VOV.Xơ Đăng - Kơphô̆ têa kơxĭ Quy Nhơn dế mot tung rơnó ôm hyô. Rơtế amê, mâu tơdroăng pêi pro dêi Hơnăm Ôm hyô Tơnêi têa – Gia Lai 2026 hiăng vâ châ po, hlối pro tơdroăng ki vâ kơto rơxế điê̆n ôm hyô tâk hên. Vâ rak tơniăn ăm tơmối ôm hyô, mâu tíu pêi cheăng tê mơdró rơxế điê̆n a kong pơlê hiăng séa ngăn, ‘mêng rơnêu rơxế hdrối vâ kơto.

VOV.Xơ Đăng - Kơxo lơ 22/3, a Plông kân Nguyễn Tất Thành (bêng Quy Nhơn), Khu pơkuâ Khôi túa lĕm tro, Tơ’noăng ivá ƀă Ôm hyô tơrŭm Kŏng an kong pơlê Gia Lai tơkŭm po leh mơhnhôk Hâi kơtâu Olympic xua ivá tâi tâng kuăn pơlê, xua kring vế Tơnêi têa hơnăm 2026.

VOV.Xơ Đăng - Têa măm Phan Thiết ga hiăng ai sap ing chal vâi krâ roh nah, châ lối 300 hơnăm kố, cho tơmeăm ki hiăng châ ô eăng dêi kơpong tơnêi Bình Thuận ton nah, nôkố cho kong pơlê Lâm Đồng. Cheăng pro têa măm tiô khôi hmâ Phan Thiết hiăng châ pơkâ pêi pro châ mơ’not tung kế tơmeăm túa lĕm tro. Kố xuân cho i hiâm mơno ki hâk tơngăm dêi kuăn pơlê Phan Thiết.

VOV.Xơ Đăng - Pôa Dà Cắt Tư, hdrông M’Nông, kot mâ hơnăm 1951, ối a thôn Dà Nhình 1, cheăm Dam Rông 4, kong pơlê Lâm Đồng cho mơngế ki pleăng dêi hnoăng cheăng tí tăng chêh xo, thâo hrik, rak vế ƀă pơtối mơdêk ki kơnía túa lĕm tro vâi krâ roh nah. Rơtế ƀă tơdroăng chêh bro hlá mơ-éa ‘na văn hok tơdroăng vâi krâ nah dêi hdrông M’Nông, mê pôa ối mơjiâng hên khu tôu chêng vâ pơtối rak vế ƀă mơdêk ki kơnía khôi túa lĕm tro.

VOV.Xơ Đăng - Xúa mâu um meá tiô khôi hmâ tung tơdroăng rêh ối, trối vó, tơdrá dêi hdrông kuăn ngo lơ uăn pât, tơdro dêi châ chăn, tơdroăng ki “Mơđah vó-Vó ki mơđah dêi ngê̆ thuât” a kơphô̆ têa kơxĭ Nha Trang, kong pơlê Khánh Hoà vêh po nếo môi kơpong ki vâ mơđah mơhno tiô túa ki nếo, tíu ki túa lĕm tro tiô khôi hmâ châ mơhno tối ƀă plông mơđah tiô chal nếo, pơtroh ăm tơdroăng ki hơniâp ro ăm pơlê pơla ƀă ăm tơmối.

VOV.Xơ Đăng - Vi ƀan kuăn pơlê dêi kong pơlê Gia Lai dế tơbleăng pơkâ po rơdâ kơno tuk ká Nhơn Lý, bêng Quy Nhơn Đông tiô troăng tơkŭm mơjiâng pro tíu ôm hyô.

VOV.Xơ Đăng - Kong măng lơ 28/3, a Plông kân Nguyễn Tất Thành, bêng Quy Nhơn, kô pơxiâm po tơdroăng Hơnăm Ôm hyô Tơnêi têa – Gia Lai 2026 dó inâi “Gia Lai – Kong ngo lo troh têa kơxĭ drêh” kô păng ‘nâng châ tơkŭm po, tơhrâ kô djâ tơvế ki hơniâp ro ‘na ngê̆ thuât tiô túa ki ƀriê tung i hiâm mơno.