Tiô Khu pơkuâ Khôi túa lĕm tro, Tơ’noăng Ivá ƀă Ôm hyô kong pơlê Lâm Đồng, tung 4 hâi pơtê (30/4 – 3/5), lâp kong pơlê tiô tối hdrối tơdah dâng 620.000 roh tơmối, tâk 21% tâng pơchông ƀă roh kố hơnăm 2025; tung mê, tơmối lâp plâi tơnêi dâng 21.000 roh. Tâi tâng pêi lo liăn châ dâng 1.420 rơtal liăn. Kơxô̆ tơmối troh tâk hên sap apoăng hneăng pơtê, hên kơpong, tíu ôm hyô ă tíu ối pêi cheăng tâi ivá. Kơbong ối châ dâng 70 – 80%, krê khu hngêi ăm tơmối kâ koi ối pơtê 3 – 5 hơlŏng châ 85 – 96%, ai drêng tâi kơbong koi.

Mâu cheăm, bêng, khu tê mơdró ôm hyô hbrâ mơdêk tơdroăng mơdró, ai hên kế tơmeăm; tơdroăng tơniăn gâk kring, kong prâi, tĕm yă châ pêi pro tơdâng tơ’mô, yă tơniăn. Ing mê, pơtối mơnhên ivá mơhnhôk ôm hyô Lâm Đồng, tơmiât la ngiâ mơnhông mơdêk krá tơniăn ƀă mơdêk ki dâi lĕm ‘na mơdró.

Tiô Khu xiâm ngăn Túa lĕm tro, Tơ’noăng Ivá ƀă Ôm hyô kong pơlê Dak Lak, tung 4 hâi pơtê leh, lơ 30/4 ƀă lơ 1/5, kơxô̆ liăn châ xo ing mơdró ôm hyô dêi kong pơlê châ 347 rơtal liăn, tâk vâ chê 19% tâng vâ pơ chông ƀă hơnăm 2025. Tơdroăng mê châ hên ing tơdroăng tơbleăng pơxúa tơbrê mâu tơdroăng tơbleăng mơhnhôk, rơtế ƀă mơhno túa lĕm lĕm tro ôm hyô ki tơviah. 

Ki vâ tối hôm tâ ai mơđah khinh khí cầu rơtâ tá thôt Nginh Phong, bêng Tuy Hoà lơ ngăn túa lĕm tro Rơđế, hơdruê xuăng tiô chal krâ nah, ngăn tŏn chêng, pế kơchên kơchâi kâ tiô hmâ ing nah hlối mơđah pế ká ngừ đại dương ƀă hên tơdroăng ki ê… veăng tơ’mot tomối troh ôm hyô Dak Lak.