Tiô mâu ngế rơkê, khu cheăng ‘na khoa hok tơdroăng tơbleăng pêi mâu tơdroăng mê kal thế châ pêi tơdrêng, hbrâ hlối tơtro ƀă tơdroăng ai khât tung pơla nôkố. Mâu tơdroăng pêi pro ƀă troăng hơlâ vâ pêi mơjiâng, mơnhông túa lĕm tro dêi hneăng hôp Đảng rôh má 14 hiăng tối troăng mơnhông ki nếo tung tuăn tơmiât tơpui kâ ƀă ki ai khât dêi Đảng ƀă kơvâ túa lĕm tro. Túa lĕm tro pơtối châ ‘măn a tíu xiâm dêi tuăn tơmiât pêi pro dêi pơlê pơla, cho ivá rơdêi tung tơdroăng mơnhông rĕng ƀă krá dêi tơnêi têa.

Pakĭng mê cho tíu vâ rak tơniăn túa lĕm tro hdroâng mơngế tung rếh ối tơrŭm tơrôa ƀă lâp plâi tơnêi. Mâu troăng pêi pro mêk pro xiâm vâ mơhno túa lĕm tro chiâng tơdroăng ki mơhno ‘na tuăn vâ, veăng mơhno ki púi vâ mơnhông ƀă hdró nếo tung chal mơnhông  mơnhông nếo tơnêi têa dêi hdroâng mơngế.