VOV.Xơ Đăng - A kong pơlê Quảng Ngãi, sap ing chuăn têa kơxĭ Lý Sơn troh a kĭng têa kơxĭ tơnêi ‘lâng ƀă kơpong kong ngo Mang Deang, hên rôh ki châ lăm ôm hyô nếo, hơniâp dế pro ăm tơmối hâk vâ lăm troh ôm hyô. Kong pơlê mơjiâng pro mâu tíu troh ki vâ râng chêng tơmối ôm hyô, mơnhông cheăng kâ ó rơdêi veăng gum mơdêk tơdroăng rêh ối kuăn pơlê ƀă rak vế mơnhông mâu túa lĕm tro chal krâ.

VOV.Xơ Đăng - Kơ’nâi 72 hơnăm plâ ƀlêi trâng “Ki châ pơ-eăng lâp lu, tơdjâk troh lâp plâi tơnêi”, kơpong tơnêi Điện Biên hâi kố ôh ti xê to pơ-eăng ki rơdêi hơnăm ki mê nah, mê ối dế pơ’lêh tơná rơdêi ƀă tơdroăng tơbâ ƀă hlối pơtối rak ki kơnía git túa lĕm tro ton nah tung mơnhông ôm hyô. Ing mâu tơdroăng pro mơdĭng hên túa mơngiơk troh mâu pơlê ôm hyô tung kuăn pơlê, tâi tâng dế veăng ‘no hnoăng tơdjêp tơdroăng ton nah ki tơplâ khên tơnôu ƀă tơdroăng nôkố rơkê ƀeăn. Ôh ti xê to pro kro mơdrŏng tơ’mot ăm tơmối châ hlo ‘nâi mê ối kum ai tơdroăng cheăng krá tơniăn, tung tơdroăng mơnhông  tơbrê  Điện Biên Phủ hâi kố.

VOV.Xơ Đăng - Tung rôh pơtê leh lơ 30/4 ƀă lơ 1/5, kong pơlê Gia Lai tơ’mot dâng 625 rơpâu ngế tơmối ôm hyô kơxô̆ liăn châ xo lối 1 rơpâu rơtal liăn.

VOV.Xơ Đăng - Kơpong Ôm hyô pơtê long têa Toong Đam a cheăm Măng Deang, kong pơlê Quảng Ngãi păng ‘nâng mot pêi cheăng, po tơ’nôm tíu xah hêi, ngăn loăng pơlái kong kế, gum hên tơmeăm ôm hyô ƀă mơdêk cheăng kâ krê a cheăm.

VOV.Xơ Đăng - Roh leh 30/4 – 1/5, ôm hyô Lâm Đồng pơtối mơdêk tơtêk hôm, ăm hlo tơdroăng ki châ tơƀrê ing mâu tơdroăng mơhnhôk tơdroăng kal vâ ƀă mơhnhôk dêi tíu troh.

VOV.Xơ Đăng - Kơmăng lơ 2/5, a kong viên drô kĭng Peăng mâ hâi Lo Cầu Rồng, Khu xiâm kŏng an tơrŭm ƀă Vi ƀan kuăn pơlê dêi Pơlê kong kân Đà Nẵng tơkŭm po tơdroăng ngê̆ thuât Gala “Tơnêi têa hơniâp lĕm”.

VOV.Xơ Đăng - Hneăng hôp Đảng rôh má 14 pơtối mơhno mâu tơdroăng ăm hlo ki nếo ‘na hnoăng cheăng dêi túa lĕm tro ƀă kuăn mơngế, ngăn mê cho xiâm, tơdroăng mơhnhôk tăng xiâm ing kuăn pơlê tung mơnhông krá tơniăn.

VOV.Xơ Đăng - Hên pơlê cheăm dêi mơngế Jarai a cheăm Ia Phí, cheăm Ia Ly, kong pơlê Gia lai dế chôa ‘lâng mot tung “vêh mơdriu” ivá cheăng dêi kơvâ ôm hyô pơlê pơla ing mâu tơdroăng ki kơnía túa lĕm tro ƀă kong kế ngo ngối ki ai xêh. Idrâp dêi chêng koăng, mâu prôa, têng nêng, rơvŏng hlŭm dêi kuăn ngo, cheăng tĕn hmôu jiâ lơ túa rêh kâ ối ki ai ti lâi mơhno tối ti mê tíu ki pơlê cheăm hiăng chiâng ivá cheăng ki tơ’mot tơmối rơhêng vâ troh ngăn, troh hlo, ing mê, veăng gum mơjiâng cheăng pêi, ƀă rak vế khôi túa, vêa vong tung Hơnăm Ôm hyô Tơnêi têa 2026 a Gia Lai.

VOV.Xơ Đăng - Pơla kong tô mơdrăng khăng khoăng ó dêi Tây Nguyên, drêng mâu loăng plâi a chiâk deăng dế răng hŏn, kong dế tô téa, a ƀuôn Ky, bêng Thành Nhất, kong pơlê Dak Lak, kuăn pơlê mơngế Rơđế tơkŭm po Mơdĭng rơkâu pâ kong mêi. Hlối pơtroh tơdroăng púi vâ kong mêi tro, tô ‘ló, pơtê leh cho rôh vâ kuăn pơlê tơrŭm krá môi tuăn ƀă rak ki kơnía git túa lĕm tro ton nah.

VOV.Xơ Đăng - Cho ngế rơtăm pleăng hnoăng tơná tơplâ nah, hâk tơngăm châ Tơnêi têa diâp ăm Huân chương ai hnoăng tơplâ, pôa Rơ Châm Nha, krâ pơlê ối a cheăm Ia Phí, kong pơlê Gia Lai hâk tơngăm xua hiăng ai hnoăng tung rôh tơplâ nah, veăng pro tơleăng lĕm peăng Hdroh, lâp tơnêi têa tơ rŭm môi. Hơnăm kố 85 hơnăm, pôa châ kuăn pơlê krếo khĕn cho krâ pơlê, 25 hơnăm hdrối nah, hlối cho ngê̆ nhân, pôa Rơ Châm Nha hiăng veăng mơjiâng tơrŭm môi tuăn tâi tâng kuăn pơlê, rak vé hlối pơtối rak vế pêi pro túa lĕm tro dêi hdroâng kuăn ngo.