Gia Lai mơhnhôk mơjiâng tíu ôm hyô ôh tá ai ngôi hât
Thứ ba, 05:00, 23/06/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - A bêng Quy Nhơn, Kơ koan xiâm Ôm hyô Tơnêi têa Việt Nam tơrŭm ƀă Khu pơkuâ râng liăn Hbrâ, mơdât ki ‘mêi dêi hât (Khu xiâm Khăm pơlât ƀă ngăn Pơkeăng) ƀă Khu pơkuâ Khôi túa lĕm tro, Tơ’noăng ivá ƀă Ôm hyô kong pơlê Gia Lai tơkŭm po Leh mơhnhôk “Mơjiâng môi tíu ôh tá ai ngôi hât a tíu lăm ngăn ƀă mâu tíu ối ôm hyô’’.
Tơdroăng vâ mơdêk hlê plĕng dêi pơlê pơla, khu tê mơdró ƀă ôm hyô ‘na mơjiâng tíu ôm hyô tơniăn, rơkê, lĕm ƀă ivá; gum mơdêk mơnhông ôm hyô ngiât lĕm, krá tơniăn. Xông tơpui a rôh leh, kăn pơkuâ Kơ koan xiâm Ôm hyô Tơnêi têa Việt Nam tối ăm ‘nâi, rơtế ƀă pơkâ tơtêk ‘na kơxô̆ tơmối ƀă pêi lo liăn, kơvâ ôm hyô dế tơkŭm mơdêk ki dâi lĕm tíu troh la ngiâ ko krúa lĕm, ai hnoăng ƀă krá tơniăn.
Tơdroăng rah Gia Lai-kong pơlê tơkŭm Hơnăm Ôm hyô Tơnêi têa 2026, pro tíu mơhnhôk vâ troh lâp lu tơdroăng pơtâng hnê tối mơjiâng tíu ôm hyô ôh tá ai ngôi hât tung lâp tơnêi têa.
Viết bình luận