Tơdroăng ki pêi pro châ tơbleăng pêi tơdrăng, tơniăn krê, tơmiât troh mơdêk ki tơƀrê tung pơkuâ ngăn ƀă xúa tơƀrê mâu kơxô̆ liăn pêi cheăng. Tiô séa ngăn dêi kong pơlê Lâm Đồng, nôkố tung lâp kong pơlê ai 2.773 to thôn, tôh kơphô̆. Pêi pro hnê mơhno dêi Khu kăn pơkuâ hnê ngăn Đảng, mâu cheăm bêng dế pêi pro klêi túa pơkâ vâ kơdroh sap ing 50% kơxô̆ thôn, tôh kơphô̆ ngi klêng klêi kơ’nâi ‘mot tơkŭm.

Sap ing tơdroăng ki môi tuăn dêi kuăn pơlê ƀă ivá khŏm mơ-eăm dêi kăn pơkuâ cheăm bêng tơdroăng klâ xoăng thôn, tôh kơphô̆ dế rế hía rế pro chiâng ivá mơdêk tơƀrê tung pơkuâ ngăn, gum kuăn pơlê tơniăn lĕm tâ, pêi châ tơdroăng púi rơhêng vâ mơnhông tung hneăng ki nếo.