Ƀă 1.700 khu tê mơdró mơjiâng nếo sap apoăng hơnăm 2026 troh nôkố, lâp kong pơlê Dak Lak nôkố ai 19.575 khu tê mơdró krê dế pêi cheăng, tâi tâng kơxô̆ liăn mơ’no vâ chê 80 rơpâu rơtal liăn. Rơtế ƀă tơdroăng tơtêk ‘na kơxô̆ khu tê mơdró, pêi lo liăn ngân dêi kong pơlê xuân mơnhên a kơlo tơtêk hôm.

Tiô pôa Nguyễn Anh Tuấn, Kăn pơkuâ ‘na Hnoăng mơhá liăn kong pơlê Dak Lak, tơdroăng ai tơ’nôm 1.700 khu tê mơdró nếo mot tung kơchơ mơdró ƀă kơvâ cheăng hên cho tơdroăng ki hôm khât ƀă pơlê pơla khu tê mơdró ƀă tíu mơ’no liăn tê mơdró dêi kong pơlê. Kố ôh tá xê to tơnêi rơlối ki kal vâ mơdêk mơnhông cheăng kâ – rêh ối pơlê pơla, mê ối gum mơdêk pêi lo liăn, mơjiâng ivá pêi pro pơkâ tơtêk cheăng kâ péa kơxô̆ dêi kong pơlê tung hơnăm 2026 ƀă hneăng pơtối nếo.