Xông tơpui a leh diâp ri, pôa Trần Thanh Mẫn, Kăn xiâm hnê ngăn Kuô̆k hô̆i pơkâ, hlá tơbeăng thế pơtâng tối ó rơdêi, châ tơƀrê tâ nếo troăng pơkâ pêi, troăng hơlâ dêi Đảng, luât dêi Tơnêi têa; troh lâp lu ihiâm mơno pơhlêh nếo tơmiât pêi rơkê, mơhnhôk rêm râ kuăn pơlê rơtế thăm veăng tung tơdroăng mơnhông tơnêi têa.

Hlá tơbeăng thế cho khu ki prôk troăng ahdrối tung kring vế xiâm rêi ihiâm mơno dêi Đảng, tơplâ mơdât mâu tơdroăng tơtrâ mâu troăng tơmiât ki ôh tá tro, hêng hôu dêi pó. Alâi ai tơdroăng ki tơpui tối ôh tá lĕm tro, tơtrâ tơnêi têa – amê ai hlá tơbeăng chêh tơtrâ kơtăng, pro krá tuăn ihiâm mơno loi tơngah.

Đảng, Tơnêi têa ƀă Kuăn pơlê loi tơngah: hlá tơbeăng kăch măng Việt Nam pơtối mơnhông rơkê tơdroăng cheăng, tuăn hiâm mơno lĕm, rơxông nếo, chêh tro tơdroăng vâ gum ăm Tơnêi têa, gum ăm Kuăn pơlê. Hô̆i đong hlá tơbeăng tơnêi têa hiăng diâp 11 ƀai chêh Pri A, 26 Pri B, 50 ƀai chêh Pri C. Rơ’jíu Việt Nam châ 2 pri A.