Kố cho rôh apoăng môi tơdroăng ki tơ’noăng kân ƀă tiô khôi vâi krâ nah, mơđah tơbleăng inâi kơphế Ƀuôn Ma Thuột châ tơkŭm po a Dak Lak, tơkŭm hên ngế ki tơ’noăng tơdroăng, ngế tơ’noăng rơkê păng ‘nâng. Mơdêi tơ’noăng, Khu tơkŭm po hiăng diâp pri ăm 5 ngế tơ’noăng châ kâ pri hôm má môi a troăng kơtâu 5km, 10km, tơdrêng amê kheăn kơdeăn mâu ngế tơ’noăng ki rơkê hôm má môi tiô khu a troăng kơtâu 21km.

Pôa Lê Hoàng Phú, Phŏ Kăn pơkuâ Khu pơkuâ Khôi túa lĕm tro, Tơ’noăng ivá ƀă Ôm hyô kong pơlê Dak Lak, tối ăm ‘nâi, rơtế ƀă khu ngế tơ’noăng tung kong pơlê, tơ’noăng kơtâu hơnăm kố mơhnhôk vâ chê 2.000 ngế tơ’noăng lo ing mâu kong pơlê, pơlê kong kơdrâm tung tơnêi têa ƀă lâp plâi tơnêi, gum troh lâp lu tơdroăng pơtâp ivá tung pơlê pơla, tơdrêng amê mơđah tơbleăng um méa pơlê kong kơdrâm Ƀuôn Ma Thuột ƀă inâi kơphế Dak Lak troh tơmối ôm hyô.