Tơdroăng mê pơxiâm po rôh pêi pro mâu tơdroăng mơhno túa lĕm tro, tơ’noăng ivá ƀă ôm hyô ki ro dêi kong pơlê tung rơnó rơxăm hơnăm Ôm hyô tơnêi têa - Gia Lai 2026 tơ’mot hên châ rơpâu ngế kuăn pơlê ƀă tơ mối veăng mơdĭng. Kơmăng pơxiâm po mơdĭng châ rơnuâ pro hên tơdroăng, ƀă hên mơngiơk túa rơhdruê xuăng ki ro pơxá “Gia Lai - Rơnó rơxăm krếo mơngế troh”, djâ tơmối troh lăm ngăn tíu ki lĕm mâu kong kế, ngăn túa lĕm tro ƀă kuăn mơngế kơpong tơnêi Gia Lai.

Tung rôh po mơdĭng Ôm hyô rơnó rơxăm 2026 ối hên tơdroăng pêi pro mơhno túa lĕm tro, tơ’noăng ivá lĕm ro mê cho Mơđah hơdruê xuăng a plông têa kơxĭ Xuân Diệu, tơdrêng ƀă pế pơchên kế kâ túa pái kơpong ƀă lối 60 khu tơbleăng tê tơmeăm ƀă mơđah tôu chêng mơ‘nui măng tĭng a Pleiku ƀă mâu tơdroăng tơ’noăng ivá tiô chal krâ nah pĕng mơnĕng, to chĕng klĕng, kơtâu to loăng chĕng klĕng.