Festival po sap ing hâi lơ 17 troh 19/7 a bêng Nha Trang ƀă hên cheăm bêng ki ê tung kong pơlê, ƀă lối 40 tơdroăng tơkŭm po mơhno túa lĕm tro, ngê̆ thuât, tơ’noăng ivá ƀă ôm hyô; mâu tơdroăng pêi pro ton sap ing hâi lơ 10/7 troh lơ 10/8. Kố cho rôh apoăng klêi kơ’nâi 11 hneăng tơkŭm po, tơdroăng châ pơhlêh sap ing Festival Têa kơxĭ Nha Trang – Khánh Hòa chiâng Festival Têa kơxĭ Khánh Hòa ƀă kô châ tơkŭm po tiah hmâ teăng ăm péa hơnăm môi xôh.

Tơdroăng ki xiâm dêi Festival cho 3 tơdroăng tơkŭm po ki kân tơkŭm po pơtối hlối tung 3 hâi. Leh pơxiâm po a kong măng lơ 17/7 châ pro kân krip, ứng dụng kong ngê̆, mơđah 3D Mapping hlối pĕng mlŏi reăng. Kong măng lơ 18/7 po mơdĭng Carnival ƀă ăm rơxế reăng ôm hyô prôk pơtăng a troăng Trần Phú. Mơgêi a kong măng lơ 19/7 hlối po hơdruê lâp plâi tơnêi ‘Tơdjêp pơtăm kơpong”. Festival hơnăm kố ai tơdroăng veăng dêi hên ngê̆ sih ki vâi ô eăng rơtế ƀă mâu khu ngê̆ thuât tung tơnêi têa ƀă kong têa ê.