Tiô pơkâ pêi, leh hô̆i pơxiâm po Festival tiô tối hdrối po a kơmăng lơ 19/12/2026 a Plông kân Lâm Viên, bêng Xuân Hương – Đà Lạt; tơdroăng ngê̆ thuât koh hơnăm nếo 2027 hlối po Festival tơkŭm po a kơmăng lơ 31/12. Mâu tơdroăng ki xiâm po a mơ’nui khế 12, drêng hên tơdroăng mơhnhôk ton xŏn troh apoăng khế 1/2027.

Festival hơnăm kố ai hên tơdroăng ki má môi mơtiah tíu reăng rơtâ tá long têa Xuân Hương ƀă mâu troăng kân tíu xiâm, mơđah tơbleăng reăng – loăng ki mơnâ mâ ngăn lâp plâi tơnêi, tơ’noăng Dalat Palace Floral Golf Invitational, hôp tơno khoa hok ‘na tơdroăng ki kơnâ reăng Đà Lạt, kơphô̆ chếi - kơphế - drôu vang ƀă tơmeăm OCOP, leh hô̆i khôi túa lĕm ếo pơtâk, leh hô̆i nhak Jazz Việt nam 2026 rơtế carnival nhak ƀă khu axoăng rơxông nếo.