Pơ troh rơkong  rơkâu  tơdroăng lĕm má môi ăm mâu kăn, Kăn xiâm pơkuâ hnê ngăn Đảng Kăn xiâm hnê ngăn tơnêi têa  tối, drêng troh Tơbâ 101 hơnăm hâi Hlá tơbeăng kăch măng, pin nhoăm pâ ƀă mơnê kơ Pôa Hồ Chí Minh kăn xiâm hnê ngăn tơnêi têa ki apoăng, môi ngế chêh hlá tơbeăng rơkê, ngế ki pro xiâm djâ tơdroăng chêh hlá tơbeăng kăch măng Việt Nam.

Pin pêi pro mâu tơdroăng vâ mơhno ki mơnê kơ mâu ai hnoăng hiăng veăng ‘no  dêi mâu ngế hlá tơbeăng rơxông hdrối nah, malối 500 ngế chêh hlá tơbeăng ƀă rơpâu ngế chêh hlá tơbeăng ‘na mâu lêng rong râ, hiăng pleăng  hnoăng, chiu hlâ xua pro tơniăn krê, hlâu hlĕng ăm Tơnêi têa, xua vâ hơniâp ăm Kuăn pơlê, xua tơdroăng chêh hlá tơbeăng Kăch măng Việt Nam.

Tối, hlá tơbeăng thế rơtế ƀă mâu tơdroăng pêi ahdrối dêi tơnêi têa tùg rơxông nếo; pôa Tô lâm pơkâ thế, Hlá tơbeăng kal veăng ƀă tuăn vâ pêi khât ai pơxúa; châ ‘nâi tro tơdroăng, tối tro tơdroăng ai khât, chêh tối nhên tro xiâm tơdroăng, pâ thế tro troăng. Kăn xiâm pơkuâ hnê ngăn Đảng Kăn  xiâm hnê ngăn tơnêi têa loi khât kơ mâu ngế chêh hlá tơbeăng ai tuăn chân krá, tuăn rơkê  hlối pêi cheăng tá hiâm tuăn, Hlá tơbeăng kăch măng Việt Nam kố pơtối pê klêi tơdroăng cheăng cho rơkong tơpui dêi Đảng, Tơnêi têa ƀă Kuăn pơlê.