VOV.Xơ Đăng - Koh phiu ro Hâi kơxop mơ-éa ƀă Khôi túa lĕm tro pơchuât Việt Nam 21/4, Hâi kơxop mơ-éa ƀă hnoăng ki xiâm Plâi tơnêi 23/4, Hô̆i Văn hok Ngê̆ thuât kong pơlê Dak Lak tơrŭm Vi ƀan bêng Phú Yên, Tíu chôu ‘măn tơmeăm khoăng roh ton nah Dak Lak, Tíu chôu ‘măn kơxop mơ-éa kong pơlê ƀă Hngêi trung râ má péa phôh thong Trần Hưng Đạo tơkŭm po tơdroăng Hâi Kơxop hlá mơ-éa ƀă Khôi túa lĕm tro pơchuât hơnăm 2026 ƀă dó inâi ‘’Kơxôp mơ-éa ƀă Tơdroăng pói vâ tơkâ hluâ rơlâu’’.

VOV.Xơ Đăng - A Tíu chôu ‘măn tơmeăm khoăng ron ton nah Lâp plâi tơnêi Kơphế kong pơlê Dak Lak tơrŭm ƀă Ƀơrô UNESCO a Việt Nam ƀă mâu khu tơrŭm cheăng tơkŭm po Hôp tơpui tơno Kế kơnía git Kơphế Lâp plâi tơnêi ƀă tơdroăng pơxá “Ing mâu khôi túa vâi krâ nah troh tơmeăm ki kơnía rêh ối tơdjuôm dêi kuăn mơngế’’.

VOV.Xơ Đăng - A bêng Buôn Ma Thuột, mâu kăn Vi ƀan kuăn pơlê kong pơlê Dak Lak hiăng tơdah hlối pêi cheăng ƀă mâu kăn dêi UNESCO ƀă FAO xua pôa Jonathan Wallace Baker, Ngế kăn teăng mâ UNESCO a Việt Nam ƀă pôa Vinod Ahuja, Ngế kăn teăng mâ dêi FAO a Việt Nam pơkuâ djâ, rôh kố, drêng troh veăng hôp tơpui ‘na tơmeăm khoăng kơphế lâp plâi tơnêi po a Dak Lak.

VOV.Xơ Đăng - Ngoh Y Quân Mjâo, ối krếo cho pôa Khely, ối a ƀuôn A2, cheăm Ea Súp, kong pơlê Dak Lak cho ngế ki hâk git khât ‘na rơngê ting ting dêi hdrông Jarai. Mâu ƀai rơngê ting ting ki ngoh hmâ rơngê ting ting mê trối môi thông têa ki hiu rơtok chôa ‘lâng, têm rơpiât tiah chal vâi krâ nah, ai tí lâi mơhno tối ti mê laga trâu rơdâ tung dế plâi nui, tung tuăn i hiâm. Rêm tơdrá ki rơngê ting ting mê, ôh ta xê to vâ hơ’muăn tối ‘na hiâm mơno mơjo pâ, ‘na pêi cheăng, ‘na pêi chiâk pêi deăng, mê ối tơdjâ hiâm mơno, túa lĕm tro dêi pơlê pơla ing hơnăm kố troh hơnăm ki ê.

VOV.Xơ Đăng - A chuăn Ây Nô, ƀuôn Trí, cheăm Ƀuôn Đôn, kong pơlê Dak Lak hiăng po tơdroăng Hơniâp ro Têt Lếo -Bunpimay hơnăm 2026. Ai kơdrâm kơdrĕng kuăn pơlê ƀă tơmối hiăng rơtế dêi pó troh pôu ngăn túa ki tĭng tiô khôi hmâ dêi mơngế Lếo rêh ối a tíu ki kố.

VOV.Xơ Đăng - Tung dế kong kế, ngo ngối Trường Sơn, tung mâu hâi tơdế khế 4, ai lối rơpâu ngế kuăn pơlê ing mâu pơlê achê tíu tơkăng kong dêi tơring Kà Lừm, kong pơlê Sekong, kong têa Lếo hơniâp ro prôk chêng ing cheăm Hùng Sơn, pơlê kong kân Đà Nẵng vâ koh tơdah Têt Bunpimay. Hâi Têt tiô khôi hmâ dêi kong têa pú hmâ hiăng chiâng roh ki vâ kuăn pơlê péa pâ tíu tơkăng kong châ trâm mâ, tơpui tơno, veăng hơniâp ro, hơlêm mơhnhôk dêi pó, tơbêng tuăn i hiâm tơrŭm cheăng krá kâk trối môi toăng hngêi.

VOV.Xơ Đăng - Tơdế khế 4 yương lĭt, drêng hiăng tâng idrâp hơkâ Paranưng ƀă khiê̆n Saranai hiăng chuât xơtó, hơniâp ro, ai hên ngế kuăn pơlê hdrông mơngế Chăm a kơpong Pa hdroh Tơdế Tơnêi têa mot tung rơnó leh xah hêi ro Rija Nagar - cho leh xah hêi ro mot tung hơnăm nếo tiô lĭt dêi hdrông mơngế Chăm. Tung tơdroăng ki hơniâp ro ai mâu túa kơhnhon xuămg tiô khôi  hmâ, mâu prôa, khiê̆n, hơkâ, ƀă mâu ếo pơtâk ki lĕm mơnâ mâ ngăn, hdrông mơngế Chăm rơtế dêi pó mơhno tối mâu túa lĕm tro ki eăng bâ má môi ki hiăng ai sap ing chal vâi krâ nah, pơtối châ rak vế ƀă hnê ‘măn mâu tơdroăng, kế tơmeăm ki kơnía krá kâk tơkâ luâ hên ‘nâi to lâi rơxông mê hía nah.

VOV.Xơ Đăng - Vâ pơtối mơhnhôk tơmối ôm hyô ƀă rak ki tơtêk ôm hyô, kong pơlê Khánh Hòa kô tơkŭm po hên tơdroăng ki kal khôi túa lĕm tro, ôm hyô po kân, tơdrêng amê chôa ‘lâng mơjiâng mâu tơmeăm ki má môi vâ mơdêk râ inâi tíu troh.

VOV.Xơ Đăng - Mơ’nui măng tĭng hdrối, a rơlốu Ây Nô, cheăm Buôn Đôn, kong pơlê Dak Lak, tơdroăng phiu ro Têt Lếo – Bunpimay 2026 tơkŭm po kơdrâm phiu ro, mơhnhôk kơdrâm kuăn pơlê ƀă tơmối veăng.

VOV.Xơ Đăng - Tung tơdroăng rêh ối, pêi cheăng chal nếo, mâu tơdroăng cheăng ki pêi ƀă chêng kŏng dêi mơngế Jarai a kong pơlê Gia lai xuân ối châ chôa ‘lâng rak vế tiô khôi hmâ ki krá kâk păng ‘nâng. Ing mâu tơlêa phêa, kơlá, rái pơrá châ tĕn bro rơhí rơhó mơjiâng chiâng pong, chêa vâ xúa rêm hâi tung rêh ối ta troh a mâu tơdroăng ki hbleăng pro um loăng ‘măn a ilâng kiâ, ai ti lâi tĕn bro ti mê tiô tuăn mơno, tâi tâng mâu tơdroăng ki mê, cho vâ mơhno tối ki rơkê hlê plĕng ƀă hâk mơnâ git khât tung i hiâm mơno. Ôh ta xê to ti mê, mâu tơmeăm ki xúa rêm hâi lơ tơmeăm ki vâ pơro mơnâ mâ ngăn, mê ối cho tơmeăm ki chôu vế, chúa tơbâ hnoăng cheăng vâi krâ roh nah, cho tơdroăng hơ’muăn tối ‘na rêh ối ƀă khôi túa, vêa vong dêi pơlê pơla mơngế Jarai.