VOV4.Xơ Đăng - Tơbâ 70 hơnăm Hâi châ tơleăng lĕm Pơlê kong xiâm lơ (10/10/1954 -10/10/2024) ƀă 25 hơnăm Hà Nội châ UNESCO diâp inâi “Pơlê kong kân xua hơniâp lĕm” lơ (16/7/1999 -16/7/2024), Vi ƀan pơlê kong kân Hà Nội tơkŭm po tơdroăng “Hâi mơhno túa lĕm tro xua hơniâp lĕm’’ a kơpong Long Hoàn Kiếm - pơtih túa lĕm tro ton nah dêi pơlê kong xiâm. Tơdroăng mê cho rôh pơ-eăng tơdroăng ki lĕm ton nah dêi Hà Nội, hlối tơbleăng um méa Pơlê kong xiâm vâ hơniâp lĕm troh tâi tâng kuăn pơlê ƀă vâi pú tung lâp plâi tơnêi.

VOV4.Xơ Đăng - Môi ngế vâi kơdrâi Rơđế hiăng tâi hơnăm pêi cheăng, la kal châ ai liăn ngân vâ rêh kâ ối ƀă păn roăng, rak ngăn dêi kuăn ki chó chêng tơvê kŏng. Jâ H’Rư̆m H’Mok ối a ƀuôn Hra Ea Hning, cheăm Dray Bhăng, tơring Čư̆ Kuin, kong pơlê Dak Lak hiăng tơnăng vêh mơnhông dêi hnoăng cheăng tĕn hmôu jiâ dêi mơngế Rơđế. Hiăng luâ 4 hơnăm hdrối mê hía nah, ôh ta xê to tĕn tơmeăm vâ tê tăng liăn tơniăn, mê jâ H’Rưm H’Mok ối gum hên ăm vâi nâ o tung pơlê ai cheăng pêi hnối tê dêi tơmeăm châ liăn tơniăn.

VOV4.Xơ Đăng - Kơxo lơ 3/10, Khu pơkuâ ‘na Khôi túa lĕm tro, Tơ’noăng ivá ƀă Ôm hyô kong pơlê Dak Nông tơrŭm ƀă Kâu lăk ƀô̆ rơxế kơtâu a troăng ki ‘mêi, ngo ngối, tơnêi hmốu, troăng thông Sài Gòn tơkŭm hneăng tơ’noăng rơvê rơxế ki pơloăng mơnúa troăng ‘mêi, ngo ngối tơnêi hmốu, troăng thông tung kong ki ai xêh.

VOV4.Xơ Đăng - Tíu xiâm Khu ngăn vâi kơdrâi Việt Nam tơrŭm ƀă Khu xiâm ngăn hnê hriâm ƀă hnê mơjiâng tuăn ngoâ rơkê tơkŭm po trâm mâ, mơđah tơbleăng tơdroăng tơmiât rơkê tung um tơvi mơdêk ki hlê plĕng ‘na tơdâng tơ’mô pơla kơdrâi ƀă kơnốu ăm droh rơtăm hdroâng kuăn ngo.

VOV4.Xơ Đăng - Kơxo lơ 1/10, Vi ƀan kong pơlê Dak Lak tơkŭm po Leh mơhnhôk tơdroăng pêi “Dak Lak tơ’noăng mơjiâng pơlê pơla hriâm tâp, mơdêk hriâm tâp plâ rơxông hneăng hơnăm 2023 – 2030” ƀă pơxiâm po Măng tĭng mơhnhôk hriâm tâp plâ rơxông hơnăm 2024.

VOV4.Xơ Đăng - Sap ing hâi lơ 27/9 – 4/10, a Tíu xiâm khôi túa lĕm tro kong pơlê, Khu pơkuâ khôi túa lĕm tro, Tơ’noăng ivá ƀă Ôm hyô tơkŭm po Mơđah tơbleăng Mih thuât kong pơlê Dak Lak roh má II, hơnăm 2024.

VOV4.Xơ Đăng - Tơdroăng rêh ối hdrối nah dêi M’Nông Gar a Dak Phơi, tơring Lak, kong pơlê Dak Lak ki hên to pêi chiâk deăng, malối cho chói báu a chiâk. Xua mê, sap ing chói troh xuâ, mơngế M’Nông Gar ai hên tơdroăng pro mơdĭng ki kal tro tiô khôi túa, vêa vong ton nah dêi kuăn ngo. Tung mê ai xối pơchâi mơhúa báu vêh a hnôu, cho túa tơlá ki tơviah mơhno nhoăm kơ ‘noăng báu kơ’nâi môi hơnăm pêi cheăng po văng ngăn ƀă tơdroăng kuăn pơlê púi ai báu hên châ phâi tơtô, rêh ối hơniâp ro.

VOV4.Xơ Đăng - Túa rơkâu xối xeăng gum ‘na pêi chiâk deăng cho túa ki loi tơngah ‘na tuăn i hiâm phá krê dêi mơngế Rơđế. Hdroâng Rơđế ai hên túa rơkâu xối ai tơdjâk troh báu, môi tiah ôu drôu pơkrá hdrê báu, ôu drôu toh têa ăm báu; tĭng kâ báu nếo ƀă hên ki ê. Tung mê, ai môi túa rơkâu xối preăng ai mơngế ‘nâi vế, mê cho ôu drôu, rơkâu xối hdrê báu, vâ xuâ báu, mơhno tối ‘na tơdroăng ki koh mơnê xeăng hiăng gum ăm kuăn pơlê châ báu hên ƀă xuân cho vâ tơrŭm pơla khu pơlê pơla.

VOV4.Xơ Đăng - Kơxo hâi lơ 19/9, a tíu tơbâ ton nah dêi tơnêi têa Đình Lạc Giao, pơlê kong kơdrâm Ƀuôn Ma Thuột, kong pơlê Dak Lak hiăng po xối pleăng rơnó rơxăm Giáp Thìn, rơkâu pâ thế khía mơhot rĕng tơkâ luâ, kuăn pơlê rĕng châ tơniăn.

VOV4.Xơ Đăng -  Kố cho tơdroăng xiâm châ tơbleăng a hneăng hôp tơbleăng tơdroăng châ tơƀrê ti tăng tơmeăm roh ton nah tung tơdroăng hriăn plĕng tơmeăm roh nah Xí Hai roh má 3 xua Tíu chôu ‘măn tơmeăm khoăng ton nah Dak Lak tơkŭm po kơxê lơ 13/9.