Po sap ing hâi lơ 18 troh lơ 22/5, mơđah tơbleăng um kố tơbleăng 148 kơtâ um ing 5 tơdroăng mê cho kong kế, tơmeăm khoăng kơnía, pơlê pơla mâu hdrông kuăn ngo, kế kâ ƀă ôm hyô châ lăm ngăn. Mâu kơtâ um kố tối tơbleăng ki lĕm dêi kong kế, tơdroăng ton nah, túa lĕm tro ƀă kuăn mơngế Gia Lai tung mơnhông nếo. Ƀă ƀăng tơnêi lối 21.000 km2 ƀă pơ’leăng mâ mơngế lối 3,5 rơtuh ngế, Gia Lai châ mơnhên tối ai hên ki ai hlâu vâ mơjiâng pro ƀă kơnôm ing kong kế nhâ loăng, ai hên túa lĕm tro.

Mơđah tơbleăng um kố hiăng veăng gum mơđah tơbleăng um dêi kong pơlê hmâ achê, hơniâp lĕm, hlối tơmiât troh pơkâ pêi  rak vế ƀă mơnhông ki kơnía kế tơmeăm túa lĕm tro tro ƀă mơjiâng pro ôm hyô krá tơniăn ton.