Tơdroăng châ pro chiâng 3 tơdroăng: Ngế lăm ti tăng um dêi tơnêi têa vêh mơhno troăng prôk lăm tăng troăng tŏng gum tơnêi têa, pơxiâm ing pơlê xiâm Làng Sen, tuăn pâ nôu kuăn ƀă tơdroăng ki drêng pơlâng; On eăng djâ troăng tơkŭm nhuô̆m pâ ihiâm mơno, hiâm tuăn lĕm, troăng pêi cheăng Pô Hồ Chí Minh ƀă troăng pêi cheăng kăch măng ƀă Việt Nam pâ vế rơkong Pôa Hồ mơnhên tơdroăng ki châ tơƀrê ƀă tơdroăng hâk tơngăm ‘na môi Việt Nam mơnhông tiô troăng Pôa Hồ hiăng rah, troh lâp lu ihiâm mơno loi tơngah – mot tơrŭm – xông mơ-eăm.

Tơdroăng ngê̆ thuât ‘’Eăng troh tá ah inâi Pôa Hồ’’ ôh tá xê to tơdroăng mơhno khôi túa lĕm tro - ngê̆ thuât ai kơnâ kal khât klăng rôh leh tơbâ Hâi kot mâ Pôa Hồ Chí Minh, Kăn xiâm hnê ngăn tơnêi têa hneăng apoăng, mê ối cho roh pơtâng tối, hnê hriâm khôi túa lĕm pâ nhuô̆m tơnêi têa, troăng tơmiêt kăch măng; gum mơdêk hlê plĕng, tơbêng tơdroăng loi tơgah, thăm pêi hnoăng cheăng ƀă tơdroăng pói vâ pleăng hnoăng dêi mâu râ kuăn pơlê, ki rơhêng cho rơxông ối nếo, tung tơdroăng hriâm ƀă pêi tiô troăng ihiâm mơno, hiâm tuăn, troăng pêi cheăng Hồ Chí Minh.