Kố cho roh apoăng leh tơbleăng châ tơkŭm po râ kong pơlê. Leh hô̆i tiô tối hdrối tơkŭm po sap hâi lơ 15/8 troh hâi lơ 2/9 a bêng Ƀuôn Ma Thuột, cheăm Krông Pắc, bêng Tuy Hòa ƀă mâu cheăm pêt plâi sầu riêng tung kong pơlê Dak Lak. Leh tơbleăng ai 17 tơdroăng pêi cheăng ki kal khôi túa lĕm tro, tê mơdró, ôm hyô. Ki má môi cho tơdroăng pơxiâm po a Plông kân 10/3; tíu mơđah tơbleăng kơvâ sầu riêng ƀă tơmeăm OCOP; leh tơbleăng kơchâi kâ; tơdroăng ki lăm ngăn kơdrum sầu riêng; hôp tơno tơdjêp pêt mơjiâng tơmeăm, tê plâi sầu riêng.

Ki rơhêng vâ tối, dâng 500 rơxế kân bán taih kô châ prôk drô troăng kân ing cheăm Krông Pắc vêh ngiâ bêng Buôn Ma Thuột vâ tơbleăng plâi sầu riêng, mơnhên ki ó má môi chêh tối tung Guinness ƀă ăm tơmối châ mơnúa kâ plâi sầu riêng. Rơtế amê, mơhno tơdroăng ‘’Tơdroăng ki tơbâ tung ngôa hngêi trá xŏn’’ xúa kŏng ngê̆ 3D mapping kô châ mơđah tơbleăng a kơmăng hâi pơtăm, hâi tơdrốu ƀă hâi tĭng rêm măng tĭng a kơdrum Tíu chôu ‘măn tơmeăm khoăng ron nah Dak Lak tung pơla po leh tơbleăng.