Tơdroăng ki kal Tĭng kân Phật đản Phật lĭch 2570 – Yương lĭch 2026 a Lâm Đồng dó inâi ‘’Mơjiâng troăng pêi leh hô̆i khôi túa lĕm tro Phop Việt Nam rơxông nếo, tơmiât troh ki tơdâng tơ’mô pơla tơdroăng ki tĭng tiô khôi vâi krâ nah ƀă mâu tơdroăng mơhno khôi túa lĕm tro, ngê̆ thuât, rêh ối pơlê pơla gum tung tơdroăng rêh ối pơlê pơla’’.

Tung pơla sap ing kố troh hâi lơ 31/5, a kơpong tíu xiâm Đà Lạt, Gia Nghĩa ƀă Phan Thiết dêi Lâm Đồng, kô tơkŭm po hên tơdroăng, krip krih, djâ khôi túa lĕm tro Phop. Ing mâu tơdroăng kố gum tơbleăng um Phop Việt Nam đi đo rơtế hdroâng mơngế, mơnhông ihiâm mơno xeăng Phop, gum tơnêi têa, rak tơniăn tung rơxông nếo.