VOV.Xơ Đăng –  Vi ƀan hnê ngăn kong pơlê Lâm Đồng nếo tơbleăng pơkâ pêi tơkŭm po Festival Reăng Đà Lạt rôh má XI – hơnăm 2026 ƀă dó inâi ‘’Đà Lạt  - Tơdroăng xah nhak dêi mơngiơk reăng ƀă âm nhak’’, ai 11 tơdroăng ki xiâm ƀă 25 tơdroăng ki mơhnhôk.

VOV.Xơ Đăng - Kơxê hâi lơ 16/6, Vi ƀan kuăn pơlê dêi kong pơlê Dak Lak pêi cheăng  ƀă Khu xiâm ngăn Túa lĕm tro, Tơ’noăng ivá ƀă ôm hyô rơtế ƀă mâu tíu pêi cheăng tơdjâk troh vâ tơmâng tơbleăng tơdroăng chêh tung hlá mơ-éa  mơnhông ôm, hyô kong pơlê Dak Lak pơla hơnăm 2026-2030, mâu tơdroăng vâ pêi troh hơnăm 2025.

VOV.Xơ Đăng - Tung tơdroăng rêh ối pơhlêh rêm hâi a pơlê cheăm, xuân ối ai mâu ngế ki chôa ‘lâng rak vế, pêi pro dêi mâu khôi túa, vêa vong dêi hdrông kuăn ngo tơná ƀă tuăn mơno ki mơjo hâk bă krá tơniăn. Ƀă pôa K’Brèm, ối a cheăm Bảo Lâm 1, kong pơlê Lâm Đồng, rơngê ting ting K’Ho, rơngê ting ting hdrông Mạ ôh tá xê to rơkong ki hơdruê, idrâp chêng mê ối cho tơmeăm khoăng ki git kơnía, cho mơhúa ƀă khôi túa, vêa vong dêi pơlê pơla tơná.

VOV.Xơ Đăng – Tối troh pơlê Bàu Trúc a cheăm Ninh Phước, kong pơlê Khánh Hòa vâi tối troh tơdroăng meăn pro tơmeăm ƀă tơnêi hneăn, iâ ai mơngế ‘nâi a kố ối ai 1 rơpŏng xuân tâi ihiâm mơno rak tơdroăng cheăng ton nah dêi mơngế Chăm mê cho tơdroăng chăt khŏng hâu. Cho ối tíu kố tê pro mâu tơmeăm chăt khŏng ki lĕm trâu hơngế tung mâu hâi leh, mơdĭng dêi mơngế Chăm.

VOV.Xơ Đăng – Tung dế plá on koh kân ƀlô blông tung hngêi trá xŏn dêi hdrông Rơđế, mâu rơkong ki rơngê rơngối chuât chhâk hơngế ôh ta xê to hơ’muăn tối mâu ngế ki khên tơnôu chal vâi krâ nah mê ối po môi tơdroăng ki kơnía git, tuá lĕm tro ƀă ‘na hiâm mơno dêi mâu hdrông kuăn ngo Tây Nguyên. Tơkâ luâ hên chal, hên rơxông, rơngê rơngối xuân ối cho kơxái ki tơdjêp pơlê pơla ƀă xiâm kối, rak vế tơdroăng roh nah dêi pơlê pơla, ƀă ki kơnía git cho vâ hnê mơhno trâu rơdâ. Tơdroăng ki kố, kơvâ ngăn ‘na túa lĕm tro dế kơdo mơ-eăm rak vế ƀă mơnhông vâ thăm mơdêk mơngiơk ki lĕm tro dêi tơdroăng rêh kâ ối a Tây Nguyên.

VOV.Xơ Đăng - Tung dế kơpong kân rơdâ Trường Sơn ó rơdêi, tíu mâu pơlê mơngế Pa Cô tơkŭm dêi pó kĭng hbêa ngo ƀă têa krông, xuân ối rak môi leh tơbleăng ki tro má môi djâ ăm tơdroăng ki tơbâ dêi luât ƀă tuăn ihiâm mơno pơlê pơla. Mê cho leh tơbleăng A Riêu Âr Pục, môi tơdroăng leh tiô khôi vâi krâ nah ki lĕm tui tơdroăng châ pơto pơtih môi tiah ‘’rôh tơleăng’’ vâ tơleăng mâu tơdroăng tơhôu tơhêng tung pơlê pơla dêi mơngế Pa Cô sap ing jâ nôa, nôu pâ nah troh nôkố.

VOV.Xơ Đăng - Hvái ngăn hơnăm hriâm pơla kố nah, hên hngêi trung hriâm a kong pơlê Lâm Đồng hiăng tơbleăng xúa troăng hơlâ tơdâng tơ’mô vâ ăm kong ngê̆ tung cheăng hnê ƀă rak ngăn kăn ƀô̆, thái cô, ngế pêi cheăng, pro pơxúa khât, laga, tơdroăng ki xúa kong ngê̆ kơxô̆ xuân ối hên xơpá kal pơtối châ lêi tah vâ mâu hngêi trung xúa tơƀrê tâ tung la ngiâ.

VOV.Xơ Đăng - A Tíu ‘măn rak tơmeăm khoăng Dak Lak po hên tơdroăng hnê hriâm, lăm ngăn ƀă inâi ‘Hơniâp ro hâi pơtê hriâm”. Tơdroăng cheăng kố drêng Hâi vâi hdrêng Lâp plâi tơnêi 1/6 ƀă pêi pro Hâi Hyôh kong prâi Lâp plâi tơnêi 5/6, pro chiâng tíu ki xah hêi ăm vâi hdrêng kơpong tíu xiâm Buôn Ma Thuột ƀă mâu cheăm bêng ki achê

VOV.Xơ Đăng - Klêi kơ’nâi tơmot péa kong pơlê chiâng môi, Dak Lak hiăng chiâng kong pơlê ki ai tơnêi tíu ôm hyô kân rơdâ ing kong kế, ngo ngối Tây Nguyên chu troh a kơpong tơbăng achê têa kơxĭ Pa hdroh Peăng Tơdế Tơnêi têa, châ ô eăng ‘na kơphế, sầu riêng, rui Bản Đôn, têa kroăng hiu vêh da dâk peăng kơnhŏng, tơnêi tum khêi ƀazan ki krip lĕm ‘na môi kong ki mơdêk ‘na kơvâ ôm hyô ki nếo dêi kơpong, tơveăng gum ki păng ‘nâng  ăm túa pêi lo liăn ngân dêi kong pơlê. Méluâ ti mê, pá rŏng ki tơ’lêi hlâu mê, mâu tíu ki ối kreăng ƀă pêi pro tá hâi teăm troh sap ing nah dêi kơvâ ôm hyô kong pơlê xuân u ối, pro kơvâ ‘na pêi cheăng kâ ki kal kố kô tơ’lêi trâm tơdroăng ki ‘ro, tơvâ tơvân ton la ngiâ. Tơdroăng pốu châ ôm hyô tung kong ngo troh a têa kơxĭ dêi Dak Lak xuân ối tro mơdât, tro kreăng xua tr

VOV.Xơ Đăng - Ngoh Đinh Hdot, hdrông Bơhnéa ối a pơlê Đăk Pơkao, cheăm Tơ Tung, kong pơlê Gia Lai hiăng hên hơnăm hâk git vâ mơjiâng ƀă pơtối rak vế khu tôu chêng tôu koăng, rơngê ting ting. Ƀă i hiâm mơno trâu rơdâ ƀă dêi khôi túa, vêa vong hdrông kuăn ngo, ngoh hiăng veăng rak vế idrâp chêng, rơkong rơngê, ting ting ƀă pro lân lĕng rơdâ i hiâm mơno ki hâk tơngăm ‘na khôi túa, vêa vong hdrông Bơhnéa pơla tung tơdroăng rêh ối chal nếo nôkố.