VOV.Xơ Đăng - Ƀă hdrông mơngế Bơhnéa, chêng koăng ƀă tơdroăng rơngê ting ting ôh tá xê to túa ngê̆ thuât ki mơđah. Mê cho rơkong ki vâ tơpui tơno ƀă khu xeăng, cho kơxái ki tơdjêp tơdroăng tơrŭm khu pơlê pơla. Drêng mot tung rêh ối chal nếo, mâu ngế krâ, mơngế hdrêng a cheăm Tơ Tung, kong pơelê Gia Lai, cho pơlê xiâm ngế khên tơnôu dêi pôa Núp, dế kơdo mơ-eăm rak vế, pơtối mơdêk mâu khôi túa, vêa vong dêi hdrông kuăn ngo tơná.

VOV.Xơ Đăng - Kơƀăn kía cho túa kơƀăn ki hmâ pro ing nah dêi mơngế Chăm a kong pơlê Lâm Đồng, châ pro hên túa hlối rơkê. Tâng hdrối nah kơƀăn mê bú xúa tung  roh leh, mê nôkố, vâ kơdrâi kuăn ngo Chăm a cheăm Hồng Thái, kong pơlê Lâm Đồng hiăng xo kơƀăn ki mê pro tơmeăm tê, troh hên ngế hên tíu tung kong pơlê kố ƀă kong pơlê ki ê.

VOV. Xơ Đăng - Ing tơdroăng rêh ối pakĭng long Ea Kao , troh mâ ngân vâ  mơ jiâng pro ăm mơnhông ôm hyô tíu pơtê ối, plong xah golf ƀă ngăn tíu ki lĕm, Dak Lak dế chôa lâng tơbâ mơhno  lĕm ro rêh ối, po môi troăng mơnhông tơ brê nếo ing kong ngo troh têa kơ xĭ.

VOV.Xơ Đăng - Ing tơdroăng ăm ‘nâi ing kuăn pơlê tối,  Đội K51, Khu xiâm pơkuâ ngăn lêng kong pơlê Dak Lak tơrŭm ƀă mâu kăn, mâu lêng tơplâ cheăm Krông Bông hiăng tăng chiâ rôu xo 2 kơxêng kiâ mơngế hlâ ai hnoăng a kơpong ngo Đá Đen, a chêng ngo Chư Yang Sin. Tơdroăng mê pơtối mơhno ki tơbrê ing tuăn loi ƀă ki môi tuăn kuăn pơlê tung tơdroăng lăm tăng, chiâ xo kơxêng kiâ mơngế hlâ I hnoăng.

VOV.Xơ Đăng - Kơvâ Khôi túa lĕm tro, Tơ’noăng ivá ƀă Ôm hyô kong pơlê Lâm Đồng dế mơdêk rơdêi pơhlêh xúa kŏng ngê̆, kơjo mơjiâng ‘noăng chư chêh vâ mơdêk châ tơƀrê pơkuâ, mơđah tơbleăng ƀă gum tơdah tơmối.

VOV.Xơ Đăng - A hâi mơdĭng Túa lĕm tro hdrông kuăn ngo Chăm roh má VI, roh hôp “Chôu ‘măn ƀă pơtối mơdêk túa lĕm tro kuăn ngo Chăm tung chal nếo” hiăng tơ’mot hên mâu ngế hriăn pleăng khoa hok ƀă khu mơdró kâ-kơvâ ôm hyô. Mâu kăn ki ai mâ amê hiăng vêh mơnhên, chôu ‘măn túa lĕm tro Chăm ôh tá xê to rak vế tơdroăng, tơmeăm khoăng, mê ối cho ivá xiâm ki vâ mơnhông kơvâ ôm hyô ƀă cheăng chal nếo ki rơkê  plĕng túa lĕm tro tung chal ki xúa măng inernet. Ing mâu tơdroăng cheăng tung măng ‘na tơdroăng, tơmeăm khoăng túa lĕm tro Chăm xuân hiăng châ mơjiâng, mơhno, po ăm roh ki tơ’lêi vâ tơbleăng mơhno ƀă tơdjêp túa lĕm tro troh a tơmối ôm hyô tung lâp plâi tơnêi.

VOV.Xơ Đăng - Mơngế Jarai ối peăng Mâ Hâi Lo Pa Hdroh kong pơlê Gia Lai ối rak vế hên ki kơnía git túa lĕm tro ki preăng hlo tíu ê ối rak chôu ‘măn trối a tíu kố. Mê cho mâu kơtum chêng chal krâ nah châ ga kân ƀă idrâp chuât xuân phá tơ-ê, hiăng châ rak vế hên rơxông. Rơtế amê, cho túa kơhnhon xuăng tôu hơkâ ki lĕm krip, tơmot ƀă idrâp chêng ƀă mâu hvêa kơteăng chêng rơmuăn mơhno tối hiâm mơno ki kơnía dêi leh mơdĭng túa lĕm tro Jarai.

VOV.Xơ Đăng - Tung po mâu tơdroăng pơtâng tối tơmiât troh ‘na Leh hô̆i plâi Sầu riêng Dak Lak hơnăm 2026, kơvâ khôi túa lĕm tro nếo tơkŭm po Talkshow tơbleăng ngê̆ thuât kơchâi kâ pro ing sầu riêng. A tơdroăng kố, ngế pêi pơchên troh ing 3 kong têa (Việt Nam, Siam, Malaysia), hiăng pế pơchên mâu kơchâi kâ kơhiâm ing plâi sầu riêng Dak Lak. H’Xíu H’Mok, ngế chêh hlá tơbeăng a kơpong Tây Nguyên ai chêh tối ‘na tơdroăng mê.

VOV.Xơ Đăng - A bêng Đông Hải, kong pơlê Khánh Hòa, kơdrâm kuăn pơlê, tơmối hiăng phiu niu rơtế troh a Hâi tơkŭm xah hêi ro Khôi túa lĕm tro hdrông kuăn ngo Chăm rôh má VI – hơnăm 2026. Kố cho tơdroăng ki kal pơ-ô pơ-eăng ‘na tuăn mơno, kế tơmeăm kơnía, thăm krá tuăn ihiâm mơno môi tuăn ƀă gum po rơdâ tíu mơnhông krá tơniăn tung chal nếo.

VOV.Xơ Đăng - Kơ’nâi 3 hâi po, kơmăng lơ 28/6, a bêng Phan Rang, kong pơlê Khánh Hòa, Hâi hôp Túa lĕm tro kuăn ngo Chăm rôh má VI hơnăm 2026 hiăng mơgêi, klêi tơdroăng trâm mâ mơhno túa lĕm tro, tơ’noăng ivá, ôm hyô dêi kuăn ngo Chăm lo ing 7 kong pơlê, pơlê kong kân tung lâp tơnêi têa.