Tơdroăng kố cho vêh mơhno tơdroăng rêh kâ ối túa lĕm tro chal krâ dêi mơngế Rơđế a plông mơđah ngăn, hlối tơkŭm po ngê̆ thuât mơđah tơbleăng ƀă kong ngê̆ chal nôkố. Tơmối châ pơkuâ djâ ing mâu tíu, tơdroăng rêh ối dêi mơngế Rơđế, sap ing tơdroăng cheăng hmâ ƀă kong kế, lăm lúa mâu kuăn kiâ kong, pêi mâu hdrê báu prá alâi a chiâk deăng troh tơdroăng rêh ối túa lĕm tro, hiâm mơno tơrŭm tung hngế trá xŏn. Tơdroăng rơngê, ting ting, idrâp chêng koăng, tơdrá proâ chal krâ, hơ‘muăn hdrôu, tơdroăng rơkâu xối ƀă tơdroăng cheăng dêi kuăn pơlê châ tơkŭm ƀă ngê̆ thuât krâ ‘măn, on bâ eăng.

Mâu ngê̆ nhân ƀă diễn viên veăng mơđah tơbleăng pơrá cho mơngế Rơđế, tâi tâng tơdroăng kố pơrá xúa nâl tơpui Rơđế. Show mơđah kố troh tâi hâi lơ 19/8, rêm kong măng 2 rôh a 19h30 phut ƀă 20h30 phut.