Ing môi túa plâi kâ kơ hiâm xú hŏm lĕm krê, sầu riêng Dak Lak dế châ mâu ngế rơkê pế pơchên kế kâ mơnúa pro hên túa pế pơchên, pro hên kế kâ ki ăm tơmối mơnúa kâ. A leh tơbleăng kế kâ Sầu riêng Dak Lak hơnăm 2026, 102 túa kế kâ tơkŭm ƀă sầu riêng hlối châ mơnhên ối má mối Việt Nam.

Leh tơbleăng kế kâ pro ing plâi sầu riêng Dak Lak hơnăm 2026 po sap hâi lơ 15- lơ 23/8 a Kơdrum pro tơdroăng tơkêa bro Eco Palace, bêng Buôn Ma Thuột, ai dâng 200 khu tơbleăng tơmeăm, ing mâu kế kâ pro ing plâi sầu riêng Dak Lak. A leh tơbleăng pơxiâm po Leh tơbleăng kế kâ kơxo hâi lơ 16/8, Khu tơkŭm po diâp pro tơ’noăng, diâp mơ-éa mơnhên Ối má môi Việt Nam ƀă 102 túa kế kâ ki xú lĕm tơkŭm ƀă Sầu riêng Dak Lak ƀă mơnhên ăm mâu ngế pê pơchên pro veăng.

Tiô khu tơkŭm po, tơdroăng pro 102 túa kế kâ  ôh ti xê to vâ mơdêk ăm rôh po leh mơdĭng mê ối vâ tăng ‘nâi plĕng trâu tâ ki pơxúa dêi plâi sầu riêng, chôa  mơjiâng tơmeăm kế kâ kô chiâng vâ pơxúa ăm tơmối ôm hyô, tê mơdró ƀă kơmăi uâ pơliê pro.