Tơdroăng kố ăm hlo ivá tơ’mot dêi kong pơlê tung Hơnăm Ôm hyô Tơnêi têa. Tiô Khu ngăn túa lĕm tro, Tơ’noăng Ivá ƀă Ôm hyô kong pơlê Gia Lai, tung lâp kong pơlê tơdah dâng 625 rơpâu ngế tơmối, tâk 57% tâng vâ pơchông ƀă khế kố hơnăm hdrối.

Ivá tơ’mot dêi kơvâ ôm hyô kong pơlê Gia Lai tung rôh kố cho kơnôm ing tơdroăng cheăng túa lĕm tro, po mơdĭng ki hơniâp ro châ tơkŭm po tơdâng tơ’mô, kân krá. Ki xiâm cho Hâi mơdĭng Mơhno túa lĕm tro mâu hdrông kuăn ngo kong pơlê Gia Lai rôh má I ƀă tơdroăng ki tŏn chêng, rơngê, ting ting, kơhnhon xuăng. Ing mê, kong pơlê tơbleăng tối túa lĕm tro, pế kế kâ ƀă cheăng pro tơmeăm ƀă kŏng tiô chal krâ.

Ƀă ivá thăm mơnhông ki tơniăn lĕm kố, ôm hyô Gia Lai hiăng tối mơnhên ivá tơ’mot dêi tíu troh ro ƀă pro chiâng tơdroăng ki kal ăm mâu tơdroăng ki pơtối dêi Hơnăm Ôm hyô Tơnêi têa 2026.