Hên tơdroăng po tiô khôi vâi krâ nah môi tiah leh Tắc-bạt, mơhum Phop, ƀá kơxái prế a kŏng, tơbêng thôt prêi, kơxé têa pâ tơdroăng pon mơhúa châ vêh po, mơhno tơdroăng pói vâ tơniăn lĕm, mơhúa. Tơmối ối châ tâ tơdroăng xing xuăng Lăm Vông, leh tơdah Nang Sangkhane, tơdroăng pêi ôm hyô lĕm ƀă rui ƀă kơchâi kâ mâu hdroâng kuăn ngo.

Ƀuôn Đôn nôkố ai 15 hdroâng kuăn ngo rơtế rêh ối, tung mê lối 400 ngế xiâm rêi Lếo. Tơdroăng rak Têt Bunpinmay ôh tá xê to tơxâng tơdroăng kal vâ khôi túa lĕm tro hiâm mơno mê ối gum rak khôi túa lĕm, thăm tơrŭm môi tuăn pơlê pơla, mơdêk mơnhông ôm hyô ƀă cheăng kâ – rêh ối pơlê pơla.