Tiô tơbleăng, pái khế apoăng hơnăm, Phú Quý rak tơdroăng tơtêk hôm, ôm hyô tơdah vâ chê 42 rơpâu ngế tơmối, tê mơdró kơdrâm phiu ro; tơnăng ká xi xŏng châ 3.570 tâ̆n, tâk tâng pơchông ƀă roh kố hơnăm nah. Pơhlêh pro mơ-éa, pơhlêh xúa kŏng ngê̆, gâk kring tơnêi têa – gâk kring tơniăn châ rak. Mơhé, hngêi trăng troăng klông a kơno tuk, têa long, mơgrúa xok ƀă pơkuâ tơnêi tơníu, tơdroăng mơdró ối trâm pá.

Xông tơpui tơno a roh hôp, pôa Hồ Văn Mười, Kăn hnê ngăn Vi ƀan kong pơlê Lâm Đồng tối rơdêi, ƀă kơpong cheăng kâ Phú Quý, kal tah lôi tíu kreăng ‘na troăng klông, kơno tuk, on tơhrik, têa ƀă kong prâi; kơjo mơnhông tơdroăng cheăng tơnăng ká, ôm hyô, kơbông krếo mơ’no liăn pơkâ pêi, tơmiât pro tŭm hngêi trăng, troăng klông kĭng têa kơxĭ, tơraih tơƀai, kơno tung hneăng nếo.