Mâu tơdroăng ki trâm pá tung tơrŭm, tăng tơnêi ƀă pro mơ-éa mơ’no liăn thế châ pêi pro kêi vâ tơniăn tơdroăng po rơdâ. Tiô mâu kơ koan cheăng kong pơlê Khánh Hòa, hên tơdroăng tơkêa bro kân, tơdroăng tơkêa bro vâ mơnhông a kong pơlê dế hrá pêi pro, tro kreăng ing tơdroăng ki pơcháu kơdró tơkăng, vê, riân tơnêi tơníu, mơnhên xiâm kối tơnêi.

Klêi kơ’nâi séa ngăn mâu tơdroăng tơkêa bro hrá pêi pro, pôa Nguyễn Việt Hùng, Kăn hnê ngăn Vi ƀan kong pơlê Khánh Hòa tối ăm ‘nâi, kong pơlê kô kơtăng tâ nếo tung tơkŭm po pêi pro, ki má lối cho pro tơniăn lĕm tơdroăng tơrŭm tá hâi krá pơla mâu tíu cheăng, khu mơ’no liăn cheăng, ví tơdroăng ki kĭ tơdroăng tơkêa bro vâ rak tíu.