Tối 12 khu hnoăng cheăng, troăng pêi ki xiâm la ngiâ, pôa Lê Minh Hưng, Ngế pro xiâm hnê ngăn tơnêi têa pơkâ môi tuăn troăng tơmiât, hlê plĕng, pói vâ ƀă pêi cheăng ƀă pêi pro pơkâ tơtêk cheăng kâ ‘’2 kơxô̆’’, tung mê ki rơhêng vâ tối tối rơdêi mơhnhôk ƀă xúa châ tơƀrê rêm kơxô̆ liăn ăm mơnhông; mơ-eăm xo hnoăng liăn ngân tơnêi têa tâk 10%; kơdĭng lối 10% mơ’no hrê đi đo; tơdrêng amê tơkŭm tah lôi rĕng, tah tâi pá puât ăm mâu tơdroăng tơkêa bro ki u ối ton xŏn tơdjâk troh tơnêi tơníu, têa châu têa kơxăng on tơhrik sap ing mâu hâi apoăng dêi hneăng cheăng Chin phuh nếo.

Tung khế 4, kêi đeăng séa ngăn, tơ’nôm ƀă pơcháu pơkâ tơtêk rêm kơvâ ăm mâu kong pơlê, grup pơkuâ, khu tê mơdró tơnêi têa hơnăm 2026 ƀă hneăng hơnăm 2026 – 2030. Ngế pro xiâm hnê ngăn tơnêi têa tối nhên, tung hơnăm 2026 kô séa ngăn tâi tâng luât ƀă mơjiâng troăng pêi cheăng ton xŏn luât Việt Nam tung chal nếo, pơkâ mâu pơkâ pêi, troăng hơlâ ki phá tơ-ê a kong pơlê châ mơnhên cho tro vâ xúa tung lâp tơnêi têa.