Gia Lai mơdêk tơrŭm ‘no liăn pro tơmeăm khoăng tung hơnăm Ôm hyô tơnêi têa 2026
Thứ sáu, 10:00, 10/04/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơ xê hâi lơ 9/4, a Hà Nội, tung tơdroăng po kơchô Ôm hyô Lâp plâi tơnêi Việt Nam - VITM 2026, kong pơlê Gia Lai tơrŭm ƀă Khu ngăn Ôm hyô Việt Nam po Hôp mơhnhôk ôm hyô, tơ’mot hên ngế vâ ‘nâi plĕng dêi khu mơdró khu ‘no liăn pêi cheăng pro tơmeăm khoăng tơnêi têa ƀă mâu tíu pêi cheăng ki ê.
Tơdroăng Gia Lai chêh inâi pro hơnăm ôm hyô tơnêi têa 2026 dế pro hlâu vâ ăm kơvâ ôm hyô châ mơnhông tơbrê, cho rôh vâ tơbleăng um méa hlối tơ’mot tơ mối. Ƀă pơxá “kong ngo troh têa kơxĭ drêh” Gia Lai dế vâ mơjiâng môi tíu ôm hyô tơrŭm pơla kong ngo ƀă kĭng têa kơxĭ pơla kong kế nhâ loăng krip krih ƀă mâu túa vêa vong lĕm tơviah.
Mâu Khu mơdró lăm ngăn khĕn kơdeăn tơmeăm khoăng ai hlâu dêi Gia Lai, malối cho mâu tơmeăm ôm hyô ngăn kong kế nhâ loăng ƀă troh vâ ‘nâi. Laga, vâ tơbleăng pêi ai pơxúa, kal tơrŭm krá tâ pơla kong pơlê khu mơdró ƀă mâu khu tơrŭm cheăng.
Viết bình luận