Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa kheăn kơdeăn mâu hnoăng tơplâ, tơdroăng châ tơƀrê dêi khu lêng Kuân khu tung lối 80 hơnăm hiăng hluâ, tơdrêng amê, tối rơdêi, ƀă Kuân khu 1, kơpong tơkăng kong kân rơdâ, tơnêi tơníu pá puât, hên hdroâng mơngế rơtế rêh ối. Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, Kuân khu 1 tơkŭm pêi pro lĕm tro 5 hnoăng cheăng ki xiâm, tung mê thế pơtối hlê plĕng pêi pro trâu hơngế troăng prôk, troăng tơmiât pêi dêi Đảng ‘na cheăng lêng, gâk kring tơnêi têa tung rơxông nếo; ‘nâi nhên kơpong, tối hdrối rĕng, mơnhên tơtro tơdroăng, veăng tơbleăng teăm tơdrêng, ôh tá lôi drêng trâm ôh tá ‘nâi pro ti lâi, ôh tá ăm tro kơdrâ hmâ vâ ti lâi.

Mơjiâng kơpong hbrâ mơdât tung kơpong Kuân khu rế hía rế krá tơniăn; hlối pêi pro tơdroăng gâk kring ƀă kơpong, tơpui tơno ƀă kong têa ê ƀă mơnhông cheăng kâ – rêh ối pơlê pơla; rak hnoăng pơkuâ, tơkăng kong, rak tơniăn kơpong, rak krá hiâm mơno kuăn pơlê ing rĕng, ing hơngế, ing pơlê pơla.