Troăng kân rơxế lơtreng ăm phêp rơxế kơtâu têi 350 km/h, kơdroh hâi khế prôk lăm chu u ối 23 phut, rĕng tâ 5 – 7 xôh nôkố. Troăng kân kố xua Vingroup (xua Kŏng ti tơlo liăn cheăng Mơ’no liăn cheăng ƀă Mơjiâng pro troăng kân ăm phêp rơxế kơtâu têi VinSpeed) pơkuâ mơ’no liăn cheăng, tâi tâng kơxô̆ liăn lối 147.000 rơtal liăn (lối 5,6 rơtal dollars, tá hâi ai tá chêl liăn tơnêi). Troăng kân tiô tối hdrối xúa kŏng ngê̆, khu rơxế lơtreng ƀă kơmăi rơxông nếo xua Siemens Mobility ăm, hlối pơcháu ăm kŏng ngê̆ ăm rơxế prôk lăm.

Cho troăng kân ăm phêp rơxế lơtreng kơtâu têi tơdjêp kơpong apoăng, tơdroăng tơkêa bro châ pói tơngah mơjiâng ivá tơtêk ăm kơpong cheăng kâ ki xiâm Peăng Kơnhŏng tơnêi têa, po troăng ‘na hngêi trăng troăng klông rơxông nếo, gum mơdêk ivá tơbriât cheăng tơnêi têa.