A bêng Buôn Ma Thuột, kong pơlê Dak Lak, Hô̆i đong Lĭ luâ̆n Tơnêi têa tơrŭm ƀă Hô̆i Văn hok Ngê̆ thuât kong pơlê tơkŭm po hôp tơpui tơno “Văn hok ngê̆ thuât mâu hdroâng kuăn ngo iâ mơngế a Tây Nguyên - Tơdroăng ƀă troăng pơkâ mơmiêt mơnhông”. Mâu kăn tối rơdêi Tây Nguyên cho kơpong ki rêh ối dêi hên mâu hdroâng kuăn ngo ƀă kế tơmeăm kơnía git túa lĕm tro, lĕm tơviah; hên kuăn pơlê xuân ối râk nâl tơpui, chư chêh, ếo pơtâk ƀă tơdroăng rơkâu xối chal krâ.

Laga, tung pơla tơrŭm, pơhlêh túa lĕm tro rĕng môi tiah nôkố, hên ki kơnía mơni kô tro piu lôi mê tơdroăng ki rak vế tro ƀă rúa pơkâ pro ôm hyô, pro tơdroăng cheăng kâ krá tơniăn ăm kuăn pơlê. Hên ngế tối tiah kố, mâu ngế cheăng ‘na văn hok ngê̆ thuât ‘na hdroâng kuăn iâ mơngế ối iâ, troăng hơlâ gum tá hâi tơxâng, cheăng chal krâ ai drêng ‘nâ ối tŭm.

Tơpui tơno gum hlê nhên tâ tơdroăng ki dế trâm, vâ tơbleăng pêi tơdroăng pơkâ dêi Đảng ‘na mơjiâng túa lĕm tro, tơmiât troh mâu tơdroăng ki kơnía git krá ton hên khôi túa lĕm tro.