Rôh tơ’noăng kố po sap ing hâi lơ 11 troh lơ 15/5 a plông kơtú ƀa long Pleiku Arena ƀă Tíu pêi cheăng Hnê hriâm Hàm Rồng, tơkŭm 12 khu tơ’noăng kơtú ƀâ long. Tung mê ai 7 khu kong têa ê lo ing Hàn Quốc, Nhuk, Sinuâ, Lếo, Malaysia rơtế ƀă 5 khu kơtú ƀa long tung tơnêi têa mê cho PVF, Hà Nội T&T, Sông Lam Nghệ An, Trường Tươi Bình Phước ƀă LPBank Hoàng Anh Gia Lai.

Tơpui a rôh leh, pôa Phạm Anh Tuấn, Kăn hnê ngăn Vi ƀan kong pơlê Gia Lai ăm ‘nâi, Festival Kơtú ƀa long hơnăm ối nếo Lâp plâi tơnêi – Gia Lai 2026 ƀă tơdroăng ki veăng kơtú dêi mâu khu kơtú ƀâ long xiâm tung tơnêi têa ƀă kong têa ê hơnăm cho 14 hơnăm hiăng mơhno ivá hâk vâ ngăn dêi rôh po tơdroăng kố: tơdrêng amê hlối tối rơdêi ivá mơ-eăm dêi kong pơlê Gia Lai dế rế hía rế mơjiâng môi tíu troh ki hơniâp ro ăm mâu tơdroăng tơ’noăng ivá ƀă ôm hyô tơxâng ƀă tơnêi têa, ƀă kong têa ê.