A roh leh, teăng mâ khu râ kăn pơkuâ Đảng, Tơnêi têa, pôa Lê Minh Hưng, Ngế pro xiâm hnê ngăn tơnêi têa hiăng diâp Inâi Ngế khên tơnôu khu lêng kuăn pơlê Kŏng an pơlê kong kân Hải Phòng. Kheăn kơdeăn, rơkâu ƀă kheăn kơdeăn mâu tơdroăng ƀlêi trâng kân, tơdroăng châ tơƀrê ki má môi dêi Kŏng an pơlê kong kân Hải Phòng.

Ngế pro xiâm hnê ngăn tơnêi têa tối nhên, inâi Ngế khên tơnôu Khu lêng kuăn pơlê ôh tá xê to tơdroăng ki hâk tơngăm krê dêi khu Kŏng an pơlê kong kân Hải Phòng mê ối cho tơdroăng ki hâk mơnê kân dêi Đảng ƀô̆, khu râ kăn pơkuâ, khu lêng ƀă kuăn pơlê kong kân Hải Phòng. Ngế pro xiâm hnê ngăn tơnêi têa loi tơngah ƀă khôi túa vâi krâ nah khên tơnôu, tơdroăng ki khên ‘na kal kí krá, ihiâm mơno pơhlêh nếo tơmiât pêi rơkê ƀă khŏm mơ-eăm hên, Kŏng an pơlê kong kân Hải Phòng kô pơtối châ hên tơdroăng ƀlêi trâng nếo, tơdroăng châ tơƀrê nếo, pêi kêi đeăng rơkê rêm hnoăng cheăng châ pơcháu; tơxâng ƀă inâi kơnía Ngế khên tơnôu khu lêng kuăn pơlê; xua tơdroăng mơnhông kro hên, rơkê, tiô rơxông nếo dêi pơlê kong kân Hải Phòng, dêi tơnêi têa, xua hơniêp lĕm dêi Kuăn pơlê.