Rôh pêi cheăng kố tơkŭm tung Tơdroăng tơkêa ‘Thăm mơnhông ivá kâi chiu dêi pêi chiâk deăng ki kŭn ƀă tơniăn ai tŭm mâu têa vâ tôh kế tơmeăm pêt xua kong prâi pơhlêh kơpong Tây Nguyên ƀă Nam Trung Bộ” (SACCR) ƀă Tơdroăng tơkêa bro ki kŭn  “ ‘Mêng pro mâu long rơchoâ hno têa vâ tôh ăm mâu hdrê loăng pêt” ối tung tơdroăng Tơkêa “Mơdêk ki tơƀrê tung xúa têa ăm mâu kong pơlê ki tro tơdjâk xua kong tôu khăng khoăng” (WEIDAP) xúa kơxô̆ liăn mung ing Hngêi rak liăn Mơnhông Châu Á (ADB).

Klêi kơ’nâi vâ chê 5 hơnăm tơbleăng pêi a Dak Lak, Tơdroăng tơkêa SACCR hiăng mơdêk ivá hmâ ƀă kong prâi pro pơhlêh, tơdroăng cheăng ƀă tŏng gum pơkâ troăng tơmiât mơnhông pêi chiâk deăng iâ mơ’no trếo ‘mêi ăm kuăn pơlê. Laga, hên mâu kế tơmeăm ki kal dêi tơdroăng tơkêa, malối cho tơdroăng ki pro mâu tíu hrik têa bu nếo ‘no liăn lối 41 rơtal, tá hâi châ 4% tung tâi tâng kơxô̆ liăn ODA.

A rôh pêi cheăng, teăng mâ UNDP a Việt Nam pơkâ thế Dak Lak rĕng chêh pro klêi hồ sơ ‘mâi rơnêu tơdroăng tơkêa, rĕng pơkâ pêi mâu troăng hơlâ ki ai tơdjâk troh ‘mâi rơnêu yă ƀă mơdon tơ’nôm pêi pro tơdroăng tơkêa troh mơ’nui hơnăm 2027.